________________
२४. सातम कृष्णा कार्तिकी कांइ, नव दीक्षा इक साथ ।
पूज्य - पुण्य नै मापणो कांइ, गगन झांपणो बाथ । । २५. आबू - ए. जी. जी. स्वयं कांइ, दरसण किया सचेत' ।
सफल पूर्ण पावस हुयो कांइ, संघ- समुन्नति हेत । । २६. सांभर झाग सिणोदियै कांइ, मिगसर में मकराण । बोरावड़ दस दिन रह्या कांइ, ठाकुर - विनती माण । । दोहा
२७. गढ़-सुजान गुरुवर ठव्यो, माघोत्सव - मंडाण |
मुनि इक्काणू साहुणी शत - सित्ताणू जाण ।। २८. हो बीदासर आदि पुर, इक्यासी री ताल |
चूरू पावस पांगर्यो, करुणा करी कृपाल । । २६. श्रमण साथ में बीस छव, श्रमणी है बत्तीस । रायचंदजी रे नयै कमरै बसै अधीश । ।
सुखकारी रे। कालूयशोविलास भ्रमण-भय-हारी रे।।
३०. प्रथम याम व्याख्यान में रे, सूत्र भगवती सजोड़ | परिपदि श्री वदनाम्बुजे रे, गावै मुनिगण - मोड़ । । ३१. मोहनविजये मोहनो रे, रचियो चंद- प्रबंध |
जयकृत सुरभित सोहनो रे, सुधा स्वाद निस्यंद ।। ३२. सो स्वामी प्रारंभियो रे, स्वमुख देशना काल । तिणरो वर्णन जो करै रे, वाचक है वाचाल । । वीणा-सी झीणां स्वरी रे, मधुरी राग उदात | . मृग - मन लहलीणां हुया रे, भवियां रा तिण स्यात । । ३४. सुधिजन सारंग वीसऱ्या रे, सावन घन ओगाज । खान-पान स्नानादि रा रे, गौण हुआ सब काज । ।
३३.
१. जी. आर. होलेंड साहब
२. लय : राजा राणी रंग थी रे खेलै अनुपम खेल
उ.३, ढा. २ / १८५
