________________
६८
भिक्षु वाङ्मय खण्ड- १
५६. अन पांणी पातर नें वेंहरावीयां रे लाल, लेंण सयण वस्त्र वहराय हो । त्यांरी श्री जिण देवें आगना रे लाल, तिण ठामें पुन बंधाय हो । ।
५७. अन पाणी अनेरा नें दीयां रे लाल, लेंण सेंण वसतर देवे ताहि हो । त्यांरी देवें नही जिण आगना रे लाल, तिणरें पुन किहां थी बंधाय हो । ।
५८. सुपातर में दीयां पुन नीपजें रे लाल, ते करणी जिण आगना माहि हो । जो अनेरा नें दीयांइ पुन नीपजें रे लाल, तिणरी जिण आगना नही काय हो ।
५९. ठांम ठांम सुतर माहे देखलो रे लाल, निरजरा नें पुन री करणी एक हो । पुन हुवें तिहां निरजरा रे लाल, तिहां जिण आगना छें वशेष हो । ।
६०. नव प्रकारें पुन नीपजें रे लाल, ते भोगवें बयालीस प्रकार हो । ते पुन उदे हुवे जीवरे रे लाल, सुख साता पामें संसार हो ।।
६१. ए पुन तणा सुख कारिमा रे लाल, ते विणसंतां नहीं वार हो । तिणरी वंछा नही कीजीए रे लाल, ज्यूं पांमो भव पार हो । ।
६२. जिण पुन तणी वंछा करी रे लाल, तिण वंछीया कांम भोग हो । संसार व कांम भोग सूं रे लाल, तिहां पांमें जन्म मरण सोग हो । ।
६३. वंछा कीजें एक मुगत री रे लाल, ओर वंछा न कीजें लिगार हो । जे पुन तणी वंछा करें रे लाल, ते गया जमारो हार हो । ।
६४. संवत अठारें तयांलेस में रे लाल, काती सुद चोथ विसपतवार हो । पुन नीपजे ते ओळखायवा रे लाल, जोड़ कीधी कोठारया मझार हो ।।
