________________
६६
भिक्षु वाङ्मय खण्ड - १
४७. तीथंकर गोत बंधे वीस बोल सूं रे लाल, त्यांमें पिण समचें बोल अनेक हो । समचें बोल घणा छें सिधंत में रे लाल, त्यांमें कुण समझें विगर ववेक हो । ।
४८. जो अन पुने समचें दीधां सकल नें रे लाल, ते नवोई समचे जांण हो । हवें निरणो कहू छू नवां ही तणों रे लाल, ते सुणजो चतुर सुजांण हो ।।
४९. अन सचित अचित दीधां सकल नें रे लाल, जो पुन नीपजें छें तांम हो । तो इमहीज पुन पांणी दीयां रे लाल, लेंण सयण वसतर पुन आंम हो । ।
५०. इमहीज मन पुने समचें हुवें रे लाल, तो मन भुंडोई वरत्यां पुन थाय हो । वले वचन पुणे पिण समचें हुवे रे लाल, भूंडो बोल्यांई पुन बंधाय हो । ।
५१. काय पुने विण समचें हुवे रे लाल, तो काया सूं हिंसा कीयां पुन होय हो । नमसकार पुने पिण समचें हुवें रे लाल, तो सकल नें नम्यां पुन जोय हो ।।
५२. मन वचन काया माठा वरतीयां रे लाल, जो लागें छें एकंत पाप हो । तो नवोंई बोल इम जांणजो रे लाल, उथप गई समचें री थाप हो । ।
५३. मन वचन काया सूं पुन नीपजें रे लाल, ते निरवद वरत्यां होय हो । तो नवोई बोल इम जांणजो रे लाल, सावद्य में पुन न कोय हो । ।
५४. नमसकार अनेरा नें कीयां थकां रे लाल, जो लागें छें एकंत पाप हो । तो अनादिक सचित दीयां थकां रे लाल, कुण करसी पुन री थाप हो । ।
५५. निरवद करणी में पुन नीपजें रे लाल, सावद्य करणी सूं लागें पाप हो । ते सावद्य निरवद किम जांणीये रे लाल, निरवद में आग्या दे जिण आप हो । ।
