________________
શત્રુંજી નદી પર બંધ બાંધવાની સરકારી યોજનાના
અનુસંધાનમાં વડાપ્રધાનને લખાયેલ પત્ર
આપણે અલ્પ પરિચયથી એક બીજાને અંગત રીતે થોડાઘણા ઓળખીએ છીએ એટલે ખાસ પરિચય આપવાની આવશ્યકતા જણાતી નથી.
મારે તમને ઉદ્દેશીને ખાસ બે પત્રો લખવાના હતા. તેમાંના એક મુદા વિષે આજે લખું છું. બીજા મુદ્દા વિષે હવે પછી જે પહેલા મુદ્દા વિષે મારે લખવું છે તે એ છે કે અહીં એવા સમાચાર મળે છે કે “શત્રુંજયી નદી ઉપર બંધ બાંધવાની સરકારી યોજના છે અને તેનો અમલ હવે થોડાક જ વખતમાં શરૂ થઈ જશે, તેમ થવાથી જૈન ધર્મનાં તીર્થોને ઘણી હરકત આવશે અને ઘણાં તીર્થસ્થાનો દબાશે.” શું આ સાચું છે?
અને જો તેમ હોય તો શ્રી શત્રુંજય ગિરિરાજ અને તેની આસપાસનાં ધર્મસ્થાનોને લગતી જેન ધાર્મિક વિધિઓ સાચવવામાં બાધ ન આવે, તેની સગવડ સાથે બાંધકામ સરકાર પાર પાડે તેમ બની શકે તેમ નથી? કદાચ થોડોઘણો પ્લાનમાં ફેરફાર કરવો પડે અથવા બાંધકામમાં થતો ખર્ચ થોડોઘણો વધઘટ કરવો પડે. તેમ કરવાથી સરકારનો હેતુ સચવાય તથા જૈનોના ધાર્મિક હેતુઓ પણ સચવાય. તેમ બની શકે તેવું ખરું? કે નહીં? “સાપ મરે નહીં અને લાઠી ભાંગે નહીં” અને બન્ને તરફ સંતોષકારક વચલો માર્ગ નીકળી આવે તો કેટલું સુંદર?
અહીં હું એક વાત વધુ સ્પષ્ટ કરવા ઇચ્છું છું અને કદાચ તમારા ધ્યાનમાં પણ હશે કે જૈન ધર્મ અને જૈન ધર્મીઓની શ્રી શત્રુંજય ગિરિરાજ અને શ્રી શત્રુંજી નદી વિષેની માન્યતા તદ્દન જુદી જ જાતની અને બહુ જ વિશિષ્ટ પ્રકારની છે. તેને લીધે તે તીર્થને તેઓ સૌથી મોટામાં મોટું તીર્થ માને છે.
આ તીર્થની મહત્તા ૧) તે ગિરિરાજ ઉપર વિશાળ ક્ષેત્રમાં મોટાં મોટાં જિનમંદિરો પથરાયેલા છે એટલા જ કારણે નથી.
– ૮૫ –
