________________
~
ગુજરાતના આ ખાતાના પ્રધાને પાલિતાણાની મુલાકાત લીધી ત્યારે સ્થાનિક મ્યુનિસિપાલીટીના કાર્યકરોને શત્રુંજય ઉપર કરવાના કાર્ય માટેના પ્લાનો કરવાની સૂચના આપેલી છે અને એ બધું ધીરે ધીરે થતું રહેવાનું માની શકાય તેમ છે. આ પરિણામ, આપણને યાત્રા વગેરેમાં દોઢસો ઉપરાંત વર્ષોથી જે અનુકૂળતા મળી અને આપણે ભોગવી, આપણે તેથી રાચ્યા, તેનું છે. તે વખત દરમિયાન જ આ જાતની ભવિષ્યની કાર્યવાહી સર્જવાની પૂર્વતૈયારી ચાલતી હતી.
છતાં આ બાબત તમે શ્રી સંઘના સર્વ આગળ પડતા બળોને સમજાવી શકો, તો આ માટે શું કરવું તેનો સીધો વિચાર થઇ શકે, અને કદાચ ધર્મના પ્રતાપે કાંઇક યોગ્ય માર્ગ મળી આવે, જેથી તીર્થરાજ બચી જાય. આ બધું તત્કાળ બનવાનું નથી. એકાદ પેઢી બાદ ઉપર જણાવ્યા પ્રમાણે પરિણામો આવ્યા વિના ન રહે તેવી પૂર્વતૈયારી તો છે જ. છતાં ચેતી જઇએ તો કંઇક ફેર પડે, નહીંતર ચાલુ બાબતોમાં ગૂંચવાયેલા રહી આવી મહત્ત્વની બાબતોમાં ઉપેક્ષિત રહેવાય તો શું પરિણામ આવે તે વિષે વધુ સ્પષ્ટતા કરવાની રહેતી નથી પછી દોષ કોને દેવાય, અને દોષ દેવાથી પણ શું?
બીજું ગમે તે થાય, પરંતુ શ્રી શત્રુંજય તીર્થ લગભગ ઠેઠ સુધી દબાઈ જાય તેવી સ્થિતિ ન થવા દેવી જોઈએ, કેમ કે જગતનું ઊંચામાં ઊંચુ છેલ્લી કોટીનું આ મહત્ત્વનું તીર્થ છે, જેની સાથે ભવિષ્યકાળના પણ અનંત જીવોના હિત જોડાએલા છે.
શ્રી પ્રભુદાસ બેચરદાસ પારેખના ધર્મસ્નેહ દ : લલિતકુમાર વખતચંદ પારેખના પ્રણામ
રત્ન જ્યોતિ, ૧૦, ભક્તિ નગર સોસાયટી, રાજકોટ-૨ (સંવત ૨૦૨૪, અશાડ વદી ૫, રવિવાર)
– ૮૪
