________________
પૂર્વના સ્થાનિક બળોને તોડવા તેઓના ધાર્મિક સ્થાનો ૫૨ કબ્જો મેળવી લાંબેગાળે પોતાના ધર્મના ચોકઠામાં (ચર્ચ સંસ્થાના ચોકઠામાં) તેનો પોતાના ધર્મના સ્થાનો ત૨ીકે ફેરવીને ઉપયોગ કરવાની ગોઠવણો થઈ રહી છે. આ રીતે દુનિયાભરની આર્થિક, સામાજિક, રાજકીય અને ધાર્મિક તમામ બાબતો ઉ૫૨ કબજો મેળવવાનો કાર્યક્રમ યુરોપ વિગેરે સિવાય દુનિયાભરમાં આજ સુધીમાં પૂરો કરવામાં આવેલ છે. હવે વિકાસના નામે ધરમૂળથી પરિવર્તન કરી નાખવાના કાર્યક્રમના તબક્કા શરૂ કરાતા થાય છે. આજે વિકાસનું - સુવ્યવસ્થાનું જે પગલું ભરાઈ રહ્યું છે તે અંતિમ પગલું છે ? એટલેથી કાર્યક્રમ પૂરો થાય તેમ છે ? ના, એ તો હજી નાના નાના પગથિયા છે.
ધર્મ અને ધર્મસંસ્કૃતિ હજુ થોડું ઘણું પણ પ્રજાનું રક્ષણ કરી રહેલ છે, તેથી પ્રજાને ધર્મ-રહિત કરવાની પ્રક્રિયાઓ પ્રસરતી જાય છે. તેને નાશને પાટે ચડાવતાં પહેલાં ધર્મ અને સંસ્કૃતિથી અરક્ષિત બનાવી ભૌતિક પ્રગતિને પાટે ચઢાવવામાં આવે છે.
ધર્મની, ધાર્મિક પવિત્ર સ્થાનોની, સાધનોની રક્ષામાં માનનાર જે જેનો હોય, તે આ જાતના ઉદ્દેશના વિકાસકાર્યોને ઇચ્છે ? તેમાં સાથ આપે ? વાત સાંભળતા ધ્રુજી ઉઠે કે બીજું કાંઈ થાય ?
જૈનોના હૃદયપ્રાણસમા અને યુગાન્તરથી ચાલ્યા આવતા પવિત્ર ધર્મસ્થાનને વિલોપન કરવાના પ્રયાસોને અંતિમ ઓપ અપાઈ રહ્યો છે ત્યારે સમસ્ત જૈન સંઘે એક થઈ તિર્થાધિરાજ પર આવતા આંતરિક અને બાહ્ય આક્રમણોને પારખી તેનો વિરોધ ક૨વો જ રહ્યો. આધુનિકતાની માયાજાળમાં ન ફસાતા પવિત્ર તીર્થની પાવનતાને અકબંધ રાખવાનો પ્રયત્ન કરવો જ જોઈએ.
- સંપાદક
*
