________________
મહારથી
૧૫૧
ન જ રહેવી જોઈએ.” મોતીશાએ પાંજરાપોળની ઉપયોગિતા માટે ગાસ્વામીને ખ્યાલ આવે..
“મોતીચંદ શેઠ, આવા ધર્મના કામમાં તમારું ઘર પહેલ. કરતું આવ્યું છે. મુંબઇના ટાપુમાં પચીસ વર્ષ અગાઉ (સં. ૧૮૬૫) તમારા ભાઈ નેમચંદે આગેવાન થઈ કેટ-પારસી બજારમાં તમારા ધર્મનું મંદિર ( શાંતિનાથનું દેરાસર) બંધાવ્યું તે જોઈને અમારે ભક્ત પરિવાર અને મુંબઈ તેડી લાવ્યો. હજી તો અમે મુંબઈમાં આવ્યા ત્યાં તો પટેલના તળાવ ને કુંભારવાડાને છેડે તમારા ભાઈ હસ્તક તમારું બીજું મંદિર (ચિંતામણીનું દેરાસર) બંધાતું હતું. એ જોઈને અમારા ભક્તિ પરિવારે ભુલેશ્વરમાં હવેલીના પાયા નાખવા તૈયારી કરી ત્યાં તો તમે (૧૮૭૬) ભીંડી બજારને નાકે ત્રીજું દેવમંદિર ( શાંતિનાથનું દેરાસર) તૈયાર કરાવ્યું, ને અમારા સાથે ગુલાલવાડીને નાકે તમારા ભાઈઓએ ચોથું દેવાલય બંધાવ્યું. આ વાતને બાર વર્ષ થયાં ત્યાં તે તમે એક પછી એક દેવમંદિર બંધાવીને લાખો રૂપિઆ પ્રભુભક્તિમાં અર્પણ કર્યું જાય છે. પાયધુનીનું મોટું મંદિર (ગોડીજીનું) બંધાવવામાં તમારા ગુરુ દીપવિજયજીની ખંત હતી. તેઓ આવા ધર્મના કામમાં તમારી કાળજી માટે મારી પાસે વખાણ કરતા. તમારા ભાઈઓમાં ધર્મ માટે ઊંચી ભાવના અને મોટું મન છે, તમારા મુનીમ દમણ ને ભાયાત ભાઈદાસ શેઠ તથા મારવાડી ભાઈઓ પણ ધર્મના કામમાં એક રૂ૫ રહો છે તેવી ઘણી વાતે મેં તેમના પાસેથી સાંભળી હતી. અને આજે તમે અહીં, (ભાયખાલાની વાડીએ) મારા પગલાં કરાવ્યાં છે ત્યાં પણ સામે તમારું તાજું જ (સં. ૧૮૮૫) બંધાવેલું ભવ્ય દેવમંદિર તથા આજની બેઠકવાળી ધર્મશાળા જોઇને તમારી આગેવાની નીચે
