________________
ઇતિહાસ કે મૂળ જીવનચરિત્રને કયાંઈ પણ હાનિ ન પહોંચે એવી સંપૂર્ણ કાળજી રાખવામાં આવી છે. અમને આશા છે કે આ ગ્રંથના વાંચનથી અમારા વાચકો ચરિત્રગ્રંથ અને નવલકથા એ ઉભયને રસાસ્વાદ એકી સાથે કરી શકશે.
માંડવગઢની જાહેરજલાલી એક કાળે વિશ્વવિખ્યાત હતી. એ જાહોજલાલીને નવજીવન પ્રેરી અધિક સુદ્રઢ બનાવવામાં મંત્રીશ્વર પેથડકુમાર સમા જેન વીરોએ મુખ્ય ભાગ ભજવ્યો હતો એમ આ ગ્રંથ ઉપરથી વાચકે પોતે જ જોઈ શકશે.
જેને સાહિત્યમાં આવા અનેક મહાપુરૂષોનાં જીવનચરિત્રો ઉપલબ્ધ થાય છે. તેને વર્તમાન જમાનાને યોગ્ય સાજ સજાવવામાં આવે છે, ભૂલાયેલું જૈન ગૌરવ પુનઃ ઉજ્જવલ બને, અને આપણું ઉન્નતિના માર્ગમાં સહાયક થાય એમ અમે માનીએ છીએ, અને એટલા જ માટે આવા રસપ્રદ ચરિત્રો તૈયાર કરાવી અમે અમારા વાચકવર્ગ સન્મુખ ધરી બની શકે તેટલી સાહિત્ય, તેમજ શાસનની સેવા બજાવી રહ્યા છીએ. શાસનદેવ અમારા ઉદેશને સિદ્ધ કરે અને જૈન સંઘ પ્રાચીન કીર્તિ-પ્રતિષ્ઠા અને પ્રભાવને પ્રાપ્ત કરવા શક્તિમાન થાય એમ અંતઃકરણ પૂર્વક પ્રાથએ છીએ.
પ્રકાશક
