________________ ಈ ದಿನ ! ಈ ದಿನದ ಮಂಗಳ ಪ್ರಭಾತ !! ವರ್ತಮಾನದ ಈ ಸುವರ್ಣಕ್ಷಣ !!! ಆದ್ದರಿಂದಲೇ ಭಗವಾನ್ ಮಹಾವೀರರು ಕಳೆಯುತ್ತಿರುವ ಅಮೂಲ್ಯ ಕ್ಷಣಗಳನ್ನು - 'ಇಣಮೇವ ಖಣಂ ಎಯಾಣಿಯಾ' ಎಂಬ ಸೂತ್ರರೂಪದ ವಾಕ್ಯವನ್ನು ವರದಾನವಾಗಿ ಕೊಟ್ಟಿರುತ್ತಾರೆ. ಇದರ ಅರ್ಥ - 'ನಮ್ಮ ಸ್ವಂತ ಸಮಯ (ಸ್ವ-ಕಾಲ) : ವರ್ತಮಾನದ ಸುವರ್ಣ ಕ್ಷಣಗಳು' ಎಂದು. ಈ ಪುಷ್ಪಮಾಲಾ ಪುಸ್ತಕದಲ್ಲಿ ಈ ಯುಗದ ಮಹಾನ್ ಸತ್ಪುರುಷರೂ, ಜ್ಞಾನಿಗಳೂ ಆದ ಶ್ರೀಮದ್ ರಾಜಚಂದ್ರಜೀಯವರು ಸಕಾಲದ ಮಹತ್ವವನ್ನು ಒತ್ತಿ ಹೇಳಿದ್ದಾರೆ. ಅವರು ತಮ್ಮ 'ಅಪ್ರಮಾದ ಯೋಗ' ದ ಸಾಧನೆಯ ಮೂಲಕ ಕಳೆಯುತ್ತಿರುವ ವರ್ತಮಾನದ ಪ್ರತಿಯೊಂದು ಕ್ಷಣಗಳನ್ನು ಪೂರ್ಣರೀತಿಯಲ್ಲಿ ಉಪಯೋಗಿಸುವ, ಉತ್ತಮ ಮಾರ್ಗವನ್ನು, ಉತ್ತಮ ರೀತಿಯನ್ನು ತೋರಿಸಿಕೊಟ್ಟಿದ್ದಾರೆ. 'ಸಮಯಂ ಗೋಯಮ್! ಮಾ ಪಮಾಯಎ' ಅಂದರೆ 'ಹೇ ಗೌತಮ | ಸಮಯವನ್ನು, ಪ್ರಮಾದದಿಂದ ವ್ಯರ್ಥಮಾಡಬೇಡ' ಎಂಬ ಭಗವಾನ್ ಮಹಾವೀರರು ತಮ್ಮ ಶಿಷ್ಯಶ್ರೇಷ್ಠನಾದ ಗಣಧರ ಗೌತಮನಿಗೆ ನೀಡಿರುವ ದಿವ್ಯವಾದ ಆಜ್ಞೆ (ಎಚ್ಚರಿಕೆಯ ನುಡಿ) ಯನ್ನು ಸ್ಮರಿಸಿ, ಅವರು ಇಲ್ಲಿ ಸ್ವಕಾಲದ ಸದುಪಯೋಗವನ್ನು ಪ್ರತಿಪಾದಿಸಿದ್ದಾರೆ. - ಬೆಳಿಗ್ಗೆ ನಿದ್ರೆಯಿಂದ ಎಚ್ಚರಗೊಂಡಾಗ, ಪುಷ್ಪಮಾಲಾದ ಪ್ರಥಮ ಪುಷವಾದ - 'ರಾತ್ರಿ ಕಳೆದಿದೆ, ಮುಂಜಾನೆಯಾಗಿದೆ. ನಿದ್ರೆಯ ಹಿಡಿತದಿ ಮುಕರಾಗಿದ್ದೇವೆ. ಈಗ ಅನಾದಿಯಿಂದಲೂ ಬಂದಿರುವ ಅಜಾನವೆಂಬ . (ಭಾವ ನಿದ್ರೆ) ಯಿಂದ ಮುಕ್ತರಾಗಲು ಪ್ರಯತ್ನಿಸೋಣ' ಎಂಬ ಸುವಣ ವಾಕ್ಯವನ್ನು ಜ್ಞಾಪಿಸಿಕೊಳ್ಳಿ, ಅದರ ಬಗ್ಗೆ ಚಿಂತನೆಯನ್ನು ಮಾಡಿ, ಪ್ರಮಾದ (ಅಜ್ಞಾನ) ವೆಂಬ ಭಾವ ನಿದ್ರೆಯನ್ನು ತ್ಯಜಿಸುತ್ತಾ, ಈ ಪುಷ್ಪಮಾಲಾದಲ್ಲಿರುವ ಪ್ರತಿಯೊಂದು ಹೂಗಳ ಸುಗಂಧದ ಆನಂದವನ್ನು ಸವಿಯುತ್ತಾ ಇಂದಿನ ದಿನವನ್ನು ಹಾಗೂ ಇಡೀ ಜೀವನವನ್ನು ಧನ್ಯವಾಗಿಸಿಕೊಳ್ಳಿ. ಈ ಅಪ್ರಮತ್ತ ಭಾವದ ಪುಷ್ಪಮಾಲಾ ಸಂದೇಶದಿಂದ ತಮ್ಮೆಲ್ಲರ ಇಂದಿನ ದಿನ ಮತ್ತು ಜೀವನ ಮಂಗಳಮಯವಾಗಲಿ. ಓಂ ಶಾಂತಿಃ ಶಾಂತಿಃ ಶಾಂತಿಃ ಜಿನ ಭಾರತಿ
