________________
યાત્રારંભ: સ્થા. જૈનપરંપરાની વચ્ચે આવા પ્રતિકૂળ અને વિષમ દેશકાળની પૃષ્ઠભૂમિમાં ધર્મક્ષેત્ર વિવિધ ભેદ ભરેલી પરિસ્થિતિથી યુક્ત હતું. આ પરિસ્થિતિ હતી જૈનપરંપરાના એક ભાગ . સ્થાનકવાસી સમાજમાં દાખલ થયેલા નવદીક્ષિત મુનિશ્રી નાનચંદ્રજીના નવજીવનના ઘડતરની પશ્ચાદભૂમિમાં!
યાત્રારંભઃ સ્થા. જૈનપરંપરાની વચ્ચે મુનિશ્રી નાનચંદ્રજી જન્મ, ઉછેર, સંગ અને વારસાગત સંસ્કારને કારણે, બાહ્ય સંપ્રદાયની દષ્ટિએ જોઈએ તે, સ્થાનકવાસી જૈન મુનિ થયા એ ખરું, પરંતુ તેમનું સ્વભાવજન્ય વલણ મૂળથી જ ઉદાર અને સમન્વયશોધક હતું. તેમાં જેના દર્શનની સ્યાદ્વાદદૃષ્ટિને તેમને તેમની સંયમયાત્રામાં આધાર મળે. આના પરિણામસ્વરૂપ, આપણે આગળ જોઈશું તેમ, સંપ્રદાય વચ્ચે વસવા-વિકસવા છતાં તેઓ સાંપ્રદાયિક અભિનિવેશથી અળગા રહી શક્યા અને તેમ છતાં સંપ્રદાયનું પણ શ્રેય સાધી તેને અજવાળી શક્યા. આને યશ જેમની છત્રછાયામાં તેમની સંયમયાત્રા ચાલતી રહી તેવા ગુરુદેવશ્રી દેવચંદ્રજી મહારાજને આપી શકાય.
પૂજ્યશ્રી દેવચંદ્રજી મહારાજ વેતામ્બર સ્થાનકવાસી જૈનપરંપરાના લીંબડી સંપ્રદાયના એક વિશાળહૃદયી મુનિવર્ય હતા. મુનિશ્રી નાનચંદ્રજીની દીક્ષા સમયે તેમને નીચેના છ શિષ્ય હતા? ' (૧) મહારાજશ્રી મનજી સ્વામી (૨) મહારાજશ્રી માણેકચંદ્રજી રવામી (૩) મહારાજશ્રી સુંદરજી સ્વામી (૪) મહારાજશ્રી રાયચંદ્રજી સ્વામી (૫) મહારાજશ્રી મણસી સ્વામી (૬) મહારાજશ્રી પ્રેમચંદ્રજી સ્વામી.
આમાં સાતમા શિષ્ય તરીકે મુનિશ્રી નાનચંદ્રજી સ્વામીને વધારો થયે. સાધુઓના આ સાત ઠાણુઓ સાથે ગુરુદેવશ્રી દેવચંદ્રજી મહારાજ કચ્છની ભૂમિને પાવન કરી રહ્યા..
