________________
66
१५
१. १२.९]
सुदंसणचरिउ जय अरुह कुसुमसरइसुपहरअवहरण । जय जणणजरमरणपरिहरण सुह-चरण । जय धणयकयसमवसरणागयजणसरण । जय विमलजसपसरभुवणयलसियकरण । जय विगयभय विसयरइजलणणवजलय । जय सहसयरसरिसपरिफुरियजुइवलय । जय रसियसुरभुरयबुहजणियमणहरिस । जय चरमजिण तियसकयकुसुमघणवरिस । जय अमय झुणि-समय-परसमय-उवसमण । जय चलिय-चलचमर सिवणयर-कय-गमण ॥ जय अमर-णर-खयर-विसहरहिं अहिमहिय । जय परमपर सयल-अइसयहिं णिरु सहिय ॥
(ससितिलओ णाम छंदो) घत्ता–इय समवसरणे सेणिउ ससिर कयकरमउलि पहिउ"। चिरु भरहु व जिणवरु संथुणिवि णरकोट्ठम्मि वइट्ठउ ॥११॥
१२ पुणु कयसुरणरविसहरसेवं पुच्छइ सेणिउ गणहरएवं। जिण चक्कवइ सिरीहरि राया पडिहरि इह केत्तिय' संजाया। तो वीराणए जणियाणंदो अक्खइ गणहरु सुणइ गरिंदो। रिसहो अजिओ संभवणाहो अहिणंदणु सुमई पउमाहो। पुणु सुपासु चंदप्पहु संसो पुप्रफयंतु सीयल सेयंसो। वासुपुज्जु पुणु भवतरुदंती- विमलु अणंतो धम्मो संती। कुंथू अरु मल्ली मयणासो मुणिसुव्वउ णमि णेमी पासो। वड्ढमाणु चरिमिल्लु जिणिंदो भरहो-सयरो महवणरिंदो। सणकुमारु संती कुंथु यरो -णिवइ सुभउमो पउमो पवरो ।
११. ४ क सिवकरण। ५ ग घ जुइविलय। ६ ख चरिमजिण। ७ ख अमिय । ८ घ उवसवण। ६ ग घ विसहरिहि। १० क मउलिय हिट्ठउ ।
१२. १ क कित्तिय। २ क मघव ।
