________________
[१. ९. ७
णयणंदिविरइयउ मेहलउ तिण्णि हरिवीढु रुंदु तहिं सहसवत्तु कणयारविंदु। तही उवरि परिहिउ वड्ढमाणु अंगुलचउक्क अच्छिज्जमाणु । पुव्वासासम्मुहु णिहयतंदु सण्णाणवंतु इंदाइवंदु । अणिमिसअरोसणीरायणेत्तु णहकेसविद्धितणुकाहिचत्तु । घत्ता-सियचमरछत्तदुंदुहिसहिउ कुसुमवाससंवलियउ।
जिणु सहइ सिद्धिवहु डोल्लियहं णाइँ विवाहहँ चलियउ ।।६।।
पेच्छिवि जिणवरु सेणियराएँ चिंसिउ णियमणम्मि अणुराएँ । मणुयत्तही फलु धम्मविसेसणु' मित्तही फलु हियमियउवएसणु। विहवहाँ फलु दुत्थियआसासणु तकही फलु वरसकय भासणु । सुहडही फलु भीसणरणमंडणु तवचरणही फलु इंदियदंडणु। सम्मत्तही फलु कुगइविहंसणु सुयणही फलु परगुणसुपसंसणु । पंडियमइफलु पावणिवत्तणु मोक्खही फलु पुणरवि अणिवत्तणु । जीहाफलु असञ्चअवगण्णणु सुकइत्तही फलु जिणगुणवण्णणु। पेम्मही फलु सम्भावणिहालणु सुपहुत्तहाँ फलु आणापालणु। णाणही फलु गुरुविणयपयासणु लोयणफलु जिणवरपयदसणु । घत्ता-इय चिंतिवि पारद्धउ थुणहुँ संतुट्टेण णरि दे।
कइलाससेलसिहरम्मि ठिउ जिह पुरएउ सुरिंदे ।
११
जय अमरगिरिव्हविय सयमहिण जगतिलय । जय भविय-सरकमलेदिवसयर सुहणिलय ॥ जय अणह चउदिसु वि पडिफुरिय चउवयण । जय गलियमलपडल कमलदलसमणयण ॥
६ ४ क विवाहहुं चल्लिउ।
१०. १ ख धम्मु विसेसणु। २ ख हिउ मिउ ग हि समिय। ३ क सक्कई । ४ क भीसण नर मंडणु। ५ ग घ विहंडणु। ६ क वत्तणु। ७ ग घ सपहुत्तहो।
११. १ ख कमलसर । २ ख पडिफुडिय। ३ ग घ दलकमल ।
