________________
હટતાં જાય છે. તેથી ઉદયકર્મો તે મારા ચૈતન્યસ્વરૂપના નથી, પરંતુ ભોગવટારૂપ દેહધારીના ત્રિકરણ યોગના પુગલ સ્વરૂપના છે તેથી મારો જ હિસાબ છે. જે સંજોગોને, વ્યક્તિઓના ભેગા થવા થકી હિસાબ ચૂકતે થાય છે. હું કર્મથી મુક્ત થાઉં છું. હળવો થાઉં છું. આમ ઉદયકર્મોનો બાહ્ય ઉદય, કર્મોથી મુક્ત કરાવનારો હોવાથી તેનો હૃદયમાં સહજ સ્વીકાર હોય છે. તેથી સંવરપૂર્વક નિર્જરા થાય છે. સંવરપૂર્વક નિર્જરા કર્મથી મુક્ત થવાની આ અદ્ભુત અને અપ્રતિમ સામાયિક હોવાથી વારંવાર આદરવી. જેથી સંવરપૂર્વક નિર્જરા થતા અનંતાકર્મ પરમાણું
ખરી પડવાથી પોતાનું સ્વરૂપ સહજ રીતે પ્રકાશી ઊઠશે. વધુ શું કહીએ ! ૬. આ સામાયિકમાં પંચ મહાવ્રતો, સંયમ, પુરુષાર્થ, પરાક્રમ, પંચ પરમેષ્ઠિ
સ્વરૂપ, નવપદજી, વીતરાગ ભગવંતોની, જ્ઞાની ભગવંતોની આજ્ઞા, વીતરાગ માર્ગ આ સર્વ સમાવિષ્ટ થઈ જાય છે. જિનેશ્વર ભગવંતોની વરસેલી કૃપા અને કરુણાને હૃદયમાં સ્વીકારીને, ધારીને સર્વે જીવો મુક્તિથી લાભાન્વિત થાઓ, વીતરાગ માર્ગ ત્રિકાળ જય પામો, વીતરાગ
માર્ગ ત્રિકાળ જય પામો, વીતરાગ શાસન ત્રણે કાળ જયવંતુ વર્તો. ૭. “હું નિર્વિકલ્પ સ્વરૂપે શાશ્વત સ્વરૂપે, ચૈતન્ય સ્વરૂપ, પરમાત્મા સ્વરૂપે,
સિદ્ધ સ્વરૂપે છું જ. “હું વિકલ્પ સ્વરૂપે “કંઈ જ નથી', હું શૂન્ય છું, કારણ કે હું વિકલ્પ સ્વરૂપે તે સઘળી પુદ્ગલ કરામત છે. એટલે કે ક્ષણમાં ભેગા થવું, વિખરાવું, પુરણ થવું, ગલન થવું. જેમ કે પડછાયો, મેઘધનુષ, ઝાકળબિંદુ, પાણીના પરપોટા, પાણીમાં વમળ, સમુદ્રમાં ઉદ્ભવતાં મોજાં ક્ષણાર્ધમાં પરિવર્તન પામે છે. કેલીડોસ્કોપમાં રહેલા બંગડીના કાચના ટુકડા ક્ષણમાં આકૃતિ અને ક્ષણમાં કાચના ટુકડા.
૬ઃ અંતિમ લક્ષ્ય કર્મક્ષય
