________________
૮. વીતરાગ પરમાત્માએ જિનેશ્વર દેવોએ જે સામાયિકમાં રહીને પોતાનું કેવળજ્ઞાન સ્વરૂપ પ્રગટ કર્યું છે તે આ સામયિક છે અને તે થકી આ કાળમાં દુર્લભ એવી સંવરપૂર્વક નિર્જરા શક્ય થાય છે. તેથી બહુમાનપૂર્વક, અહોભાવપૂર્વક, ૫૨મવિનયપૂર્વક આ ઉત્કૃષ્ટ અને સર્વોપરિ સામાયિકને હૃદયપૂર્વક સહજ રીતે સ્વીકારીને હૃદયમાં ધારીને આદરવી. જેથી અપ્રતિહત અપ્રતિમ આત્મકલ્યાણનું કારણ બને. મોક્ષમાર્ગના આરાધકો આ પ્રત્યે ખાસ ધ્યાન આપે.
૯.
'
આ સામાયિક કાલાતીત એવી આત્મદશા પ્રગટ કરાવનારી હોવાથી સમયમર્યાદા બાંધવી જરૂરી નથી. સૂતાં, બેસતાં ગમે તે આસન કે સ્થિતિમાં ચર્મચક્ષુ બંધ કરતાં જ સામાયિક સ્થિતિ શરૂ થઈ જાય છે. શ્રદ્ધા અને સબુરી – ધીરજપૂર્વક ખૂબ જ વિનયપૂર્વક વીતરાગ પરમાત્માની જીવો ઉ૫૨ કોઈપણ ભેદભાવ વિના વરસેલી કૃપા અને કરુણાથી પ્રાપ્ત થયેલ હોવાથી ખૂબ જ વિનય, શ્રદ્ધા અને ભક્તિપૂર્વક સામાયિકનો લાભ લેવો. આ સામાયિકમાં આંખો બંધ કરી શાંતિથી શરીરની સહજતાપૂર્વક, સ્વસ્થતાપૂર્વક અનુકૂળ સ્થિતિએ બેસવું. કોઈપણ જાતની મૂર્તિ, મંત્ર કે જાપ કોઈપણ આલંબન લેવાનું નથી. કશું જ કરવાનું નથી. નિરાલંબ સ્થિતિની સામાયિક છે.
વિતરાગ પરમાત્માનો શરણાગત મોક્ષમાર્ગનો આરાધક
ચરમમંગલ
૭ : અંતિમ લક્ષ્ય કર્મક્ષય
