________________
तीओ सन्धी। तं णिसुणेवि पमायपंउत्तहं मंतिउ थोवविहववणिउत्तहं। अहुँ पुरजणमणणयणाणंदणु सेवहं धणवइसेहिहि णंदणु । पैइसहुं अतरु तरिवि सहुं आएं अवसिं लच्छि होइ ववसाएं।
वणितणु रुहरहसेण समागय सन्जिय करहवसहमहिसह सय । घत्ता । इत्तहि वि तेण धणवइसुइण पइपरिहवमाणुव्वहणि।
करकमलकयंजलि संपुडिवि भविसिं आउच्छिय जणणि ॥९॥ माइ महल्लमहुजमविजें बंधुअत्तु संचलिउ वणिज्जें। . तेण समाणु मइंमि जाइव्वउ तं वोहित्थु तीरि लाइव्वउ । देसंतरपवासु माणिव्वउ णियपुण्णहं पमाणु जाणिव्वउ । दइवायत्तु जइ वि विलसिव्वउ तो पुरिसिं ववसाउ करिव्वउ । तं णिसुणेवि सगग्गिरवयणी भणइं जणेरि जलदियणयणी । हा इउ पुत्त काइं पई जंपिउ सिविणंतरि वि णाहिं महु जंपिउ । एक अकारणि कुवियवियप्पें दिण्णु अणंतु दाहु तउ बप्पें । अण्णु वि पइं देसंतरु जंतहो को महु सरणु हियइ पेजलंतहो ।
अण्णु वि तेण समउ तउ जंतहो णिव्वुइ खणु वि णाहिं महु चित्तहो। घत्ता । को जाणइं कण्णमहाविसइ अणुदिणु दुम्मइमोहियई।
समविसमसहावहिं अंतरई दुट्ठसवत्तिहि दोहियइं॥१०॥ एकुमिक्कु ववसाउ करंतहं समसाहिहिउ भंड भरंतहं । विहि पडिकूल अम्ह पडिसकइ अत्यहं छेउ करिवि को सका। एक्कव्वअहिलासविचित्तइ को जाणइं दाइयहं चरित्तइ । जइ सरूवदुहृत्तणुभासइ बंधुअत्तु खलवयणहिं वासइ। तो तउ करइ अमंगल जंतहो मूल वि जाइ लाहु चिंतंतहो । जंपइ मामहु महुरकलाएं चंगउ वुत्तु पुत्त कमलाएं। अम्हहं एत्थु वसंतहो तेहउ को वि ण मित्तु पहाणु सणेहउ ।
बंधुअतु पुरमज्झि सइत्तउ राउलि सण्णमाणु धणयत्तउ । घत्ता। जइ जणणिवयणविसविसमगइ दाइय मच्छरु मणि वहइ ।
तो तुम्हहं अम्हहं सयणहमि वंचिवि कुलि परिहउ करइ ॥ ११ ॥ भविसयतु विहसेविणु जंपइ तुम्हहं भीरत्तणिण समप्पइ।
अइयारिं वामोहु ण किजइ समवयजणि पोढत्तणु हिज्जा । १B °णिउत्तहं २ B अहो ३ B सेवहो ४ B पइसहु अंतरेपि सहु आयइ ५ B दशंतहो ।
