________________
भविसयत्तकहाए
अएण जणि कायरु वुच्चइ अहभएण जइ लच्छिए मुच्चह । अइमएण दप्पुम्भड्डु णावइ अघिएण भोयणु विण भावइ । अहरूविं तियरयणु विणासइ अइयारिं सव्वहो गुणु णासह | जइ ववसाइ दाउ उ दिजइ तो णायरहं मज्झि लज्जिज्जइ । जइ सो कहव सवत्तिहि जायउ तो वि तायहो सरीरि संभूयउ । एकसरी रुजाउ विहिभायहिं तहिं किर काई रायवेयारहि । अणु वि तहिं कुलसीलनिउत्त होसहिं पंचसयई वणिउत्तरं । तेहिं समाणु पंथि पवहंतहो केम करेसइ दोहु वतहो । अणु वि अम्हहं तेण समाणु किंपि ण पुत्र्वविरोहविहाणु । घत्ता । 'माइ चित्तु कायरु करहि फुड्डु कम्मई कम्महु कारणु । खुइ जीविजइ जेम णवि तेम अखुट्टइ नउ भरणु ॥ १२ ॥ मामहं सालि महंतरवयणइं सुणिवि मुणिवि अणुमणिवि सयण | यदि विक्खायई जंपिवि कियई निरुत्तरवायई । एम करेवि समुच गोत्तहो भविसु पढुक्कु पासि बधुयत्त हो । सो पिक्व तेण सकियत्थे अभुत्थाणु कियइ परमत्थे । विहडफड विमुक्कसिंगारिं पच्चासन्नु खुहियपरिवारिं । अवियलदिट्ठिपलोयणसीलिं सव्वावसरसमप्पियलीलिं । अमुणियकज्जागमण वियप्पिं सविणयवयण दिण्ण माहष्पिं । तणुपच्छण्णपिहियपरिहासह सुपरिट्टियणायरियई भासई । घन्ता । पणवंति करु करयलि धरिवि फुडुतडवियडपडत्तरिण ।
सम्मा दाणु पेस करिवि बोल्लिउ नेहनिरंतरिण ॥ १३ ॥ अहो वह अच्चरिउ महंतरु एउ कज्जेण केण किउ संचरु । एत्थु वि हथियार सम्माइवि वयणु वि कहमि ण करहि कयाइ वि । भविसयत्तु पियवयणहिं तज्जइ विणु केंजें किर को पडिवज्जइ । तु परिपुण्णु अहिडियदच्वें पहुसम्माणदाणगुणगच्चें । अम्हई वणिवरवरमाहृप्पहो जीवहं करिवि सेवं तह बप्पहो । उज्जउ तुम्हतणउं आयणिवि किउ अम्हई चित्तु अणुमणिवि । सु विरहं परिट्ठियकायहं सिज्झइ किंपि णाहि असहायहं । जइ त ठाइ करंत एहउ तेण विमण्णिउं णीसंदेहउ । १ B कज्ञेण कोपि पडिवजइ २ B आण ।
१८
