________________
भविसयत्त कहाए
अन्नेवि खमाविय सर्वं खमेवि जं जासु जोग्गु तं तासु देवि । जिम तेण तेम पंकयसिरीए पच्छई भविसई पियजंपिरीए । जणु अंसुजलोलियलोयणेहिं रुणुरुणई झुणई दुम्मणमणेहिं । सहुं सयणि नयणाणंदिरासु नीसरियई सरियई मंदिरासु । जिणहरि जिणहरि पुज्जउ करेवि जिणहरि जिणहरि महदाण देवि । घत्ता । रुहुरुहउ करेवि लोयहिं निरु निज्झाइयई ।
१४४
सहुं सयणजणेण पवरुजाणु पराइयई ॥ १० ॥ तहिंमि परउवसोह समारिय छडतोरणमंडव वित्थारिया । पुजिवि जिणपडिमउं संजवियर मंडउ जालगवक्खिहिं ठवियउ । पूरिउ रंगावलिउ विचित्तउ वियसियकुसुमंजलिङ पवित्तर | कि नीसल्लु सयलु संभालिवि अंगविलेवणाई पक्खालिवि । तिणिवि जिणु सुमरिवि सुपहिट्ठई अवलोइवि गुरुपुरउ निविट्ठरं । उत्तारिय कडयई कडिमुत्तरं मउडई मणिमह पजलंतई । पंचमुट्ठि सिरि लोउ समारिवि दुडर पंचमहव्वय धारिवि । धीरवीरसाहसिण विचित्तई तिन्निमि गुरुहुं पासि निक्खित्तङ्कं । धत्ता । सुहिसयणसएहिं दिक्खिवि ताई न सक्कियई ।
जणु अंसु मुअंतु धणवइसुवदंसणि हुई || ११ ॥ एकविंशतितमः सन्धिः ।
जिम लइय जिणेवि रायलच्छि सई भुयबलिण । तिम मुक्क रुअंति धीरवीरविक्कमच्छलिण ॥ दिक्खंकि पक्खिवि कुरुवराउ लोयहं रुहुरुह महंतु जाउ । जो जंतर हयगय रहवरेहिं विज्जिज्जमाणु चलचामरेहिं । पडिहारफारसद्दुज्जयाहं हणहणसद्दि नरवरसयाहं । सो एवहिं किम नीसंगु दिट्टु गउ ल्हिक्किवि नं दिवसयरु हुअ रयणि जाउ जगु कसणवन्नु जो जित्थइ होइ तित्थइ निसन्नु । परिवारु पउरु पुरनिवासु परियणु अंतेउरु पिंडवासु । जणु सयलु ताहं गुण संधुणंतु नीसेसरयणि थिउ रुणुरुतु ।
1
१ C adds इय भविसत्तकहाए पयडियवम्मत्थकाममोक्खाए बुहधणवालकयाए पंचमिफलवण्णणाए भविसयत्तदिक्खाकल्लाणवण्णणो नाम एकविंसमो सन्धी परिच्छेओ सम्मत्तो ॥
