________________
एकवीसमो सन्धी।
१४३ नवि किज्जई विग्घु आएं अविणउ होइ पर ॥७॥ अहियइं अणिओयनिउत्तियाइं किंबहुअएउत्तपडुत्तियाई। तउ पट्टवंधु सुहसंपउत्त पावज्ज तिहिंमि अम्हहं निरुत्तु । परिचिंतिउ जं णिच्छयपयत्थु तं अलियउ को करणहं समत्थु । निच्छउ जाणेप्पिणु सुप्पहेण धरणिंदु वुत्तु मउलियमुहेण । ताएं परिचत्तु सणेहु भाइ किं वुच्चइ जो वयणिं न ठाइ । परिचितई तवसिरि वहुअ सच्छ तुहुं धरहि महाभडभारु वच्छ । अहिसेउ तुम्ह बइसणई रजे मा होउ विग्घु रायहो सकज्जि । महु ताएं दिन्नु कुलकमेण मई तुज्झु समप्पिउ विक्कमेण । हउं मंतिसमउ तिहिं भायरेहिं सम्भावसणेहकयायरेहिं । पडिवन्नु एम जं सुप्पहेण तं वुत्तु सुमित्तावल्लहेण । तउतणइं पहावें अम्ह संति जं लेहि देहि तं निरु महंतिं ।
तुहं अम्हहं सई पच्चक्खु ताउ इच्छहं परमत्थे तउ पसाउ । घत्ता । सिय संपय रज्जु गयउरु सोहइ तुम्ह पहु।
अच्छउ अहिसेउ कन्नहु वयगुवि दुव्विसह ॥८॥ अणुहुंजि लच्छि णियविक्कमेण आइय जा तुम्ह कुलकमेण । जो तुम्हहं न वहइ कोसु कप्पु तहो अम्ह निहोडिवि दलहं दप्पु । सुप्पहिण दिन्नु उत्तर न जाम अणुसंधिवि भणई सुमित्त ताम । अहो पुत्तहो सुंदरु गुणमहग्घु नरवइहिं वयणु सव्वहं अलंघु। छड्डेवि पिहु जम्मंतरहु नेहु रणरणइ छुहिवि महुतणउं देहु । अप्पुणु चलियइं हां धरिय जेण पडिवजिउ तं किं मई सुहेण । सव्वहं संपय बइसणउं रज्जु लइ करहु सामि अप्पणउं कज्जु । . एउ जंपिवि अहरफुरंतियाए आएसिउ अंसु मुअंतियाई। धाइउ विहडप्फुड विलयसत्थु सारविय वसुह दरिसिउ पसत्थु ।
जयमंगलतूरइं ताडियाइं परिवारमणइं विभाडियाई। घत्ता । धरणिदिं लेवि सुप्पहु पट्टि परिदृविउ ।
जयतूररवेण सामंतिहिं अहिसेउ किउ ॥९॥ अहिसिंचिवि पए सुप्पहु कुमारु आउच्छिउ नियपरिवारु चारु । धणवइ हरियत्त महाणुभाउ पियसुंदरि पहु भूवालुराउ । एमाइमहत्तर गुणवरिट अन्नवि जे सुअण विसिह इट्ट ।
