________________
वीसमो सन्धी ।
वज्जो अरु मरिवि महाणुभाउ हुउ तिलइ जसोहणु नामि राउ । बहुसोउ करिवि तासई समीवि दलु घल्लिउ ताइंवि तिलयदीवि । परिखिव आउ सुहिसयणविंदि अत्थमिए पवरवल्लहन रिंदि । अणुदिणु सेवइ धमित्तगेहु नउ मुअइ सोवि सज्जणसणेहु । कित्तिसेण धमित्तहो चित्तिं गमई कालु सुविसुद्धचरित्तिं । नंदिमित्त मित्तत्तणु दाविवि नियसुहि जिणवरधम्मु कराविवि । अप्पुणु पुणु तवचरणु चरिप्पिणु अणसणि पंडियमरणि मरिष्पिणु । दिवि सोलहम पुन्नायामि हुउ सुरवइ विज्जुप्पहु नामि । धत्ता | चम्मट्ठ सरीरु निवडिं जाइ मसाणि खउ ।
अह नियमगुणेहिं तेण जि लब्भइ परमपउ ॥ ९ ॥
जो तित्थु आसि झीणाउमाणु सो चयवि दुक्कु तहो तं विमाणु । उक्कस्स निबद्ध परिप्पमाणु लक्खणचच्चंकिउ नवजुवाणु । सोलह आहरणविहसियंगु सहसति समुट्ठि विहृणियंगु । चउपासहिं करइ दिसावलोउ पिक्खइ रमणीउ सु देवलोउ । विभिउ परिचित मणि कयत्थु को हउं कहिं आयउ आसि कित्थु । fless for विवरइ अवहिणाणु इउ देवलोउ देवहं पहाणु । अइरावइ अरिपुरि गुणपवित्तु वाणियउं आसि हउं नंदिमित्त । तर करिवि मरिवि अणसणि अहीरु आइयउ इत्थु मिल्लिवि सरीरु । इ जाणिव पसरिय परमनेहु अवयरिवि खमावइ निययदेहु । घत्ता । रुहुरुहउ करेवि पुज्जिउ निययसरीरडउ ।
खंत वयंसि पसहुं दंसणु इत्तडउ ॥ १० ॥ एत्थंतरि धमित्तहो मंदिर पउर महायणनयणादिरि । दाणु चव्विहसंघहो दिज्जइ साहम्मियवच्छल्लु वइज्जइ । तो धणभित्तु पडिच्छियपेसणु अणुदिणु उज्जोअइ जिणसासणु धणलच्छि धणयत्तहो गेहिणि धणमित्तहो जणेरि सुवि रोहिणि । जिणवरधम्मु करइ पडिवज्जइ अह मलमलिणमुणिंदहो लज्जइ । उवहासइ अमुणियमाहप्पि विहवरूवजोव्वणगुणों । सावि समाहिमुणिदो वयणहिं दुज्जयदुसहपरज्जियमयणहिं । जाइजरामरणत्तविणासणि अविचल जाय जिणिदहो सासणि ।
१३७
