________________
एकवीसो सन्धी ।
तो कोसियहो अमग्गि चरंतहो मिच्छाभावि लोउ लायंतहो । पट्टणु खुहिउ समउ नरनाहिं पणवइ सयलु लोउ असगाहिं । इत्थंतरि जिणगुणअणुराइड नाउं समाहिगुत्तु मुणि आयउ । तासु परिक्खणउ विहत्तिए गउ वज्जोयरु वंदण भक्तिए । तेण सलु परमागमु जाणिवि निउ राणउं बहुगुण परियाणिवि । तो अणुमरिंग वाउ नरिंदहो सयलु वि वलिउ समाहिमुणिंदहो । धत्ता । वज्जोयरु मंति नियडि निवेसिवि मुणिवरहो ।
सपुरु सपरिवारु निसुणई धम्मक्खाणु हो ॥९॥
१३१
साहु समाहिगुत्तु सुवियक्खणु सयलहं कहइ धम्मु दहलक्खणु । अहो जण भवसंसारु असारउ चउगइगहणि असंतु अपारउ । ताउ चयारिवि धम्माहम्मि हिंडइ जीउ सुहासुहकमि । कहिंमि नरइ मारइयहिं दम्मई डज्झइ बज्झइ हम्मई खम्मई । सहइ दुइं दूसह उद्दई जाम ताम तेतीस समुद्दई । कहिंमि तिरिक्खगइहिं उप्पज्जइ पाहणु पवणु सलिलु आवज्जइ । try es कहिंमि सिहि जोइवि खेवइ कालु कहिंमि तरु होएवि । तहिंमि सुणिज्जहि जीव अनंता जे न कयावि तसत्तणु पत्ता । कहिंमि कयावितसत्तणु पावइ तहिंमि किलीणकाय संदावइ । उपज्जइ किमिकीड पयंगहिं दंसमसयमच्छरकुलसंगहिं । कच्छमच्छविसमेसमईदहिं वग्घरिंच्छखरतुरयगईदहिं । धत्ता । तिरियत्तणि होवि लिंतु मुअंतु कलेवरई ।
हम्मंतु हणंतु विसहइ दुक्खपरंपरई ॥ १० ॥
कहव कहव मणुअत्तणु आवइ सुकुलु सुगुत्तु तहिंमि नउ पावइ । होइ अणुज्जु अणज्जवखंडिहिं बब्बरसमरपुलिंदपयंडिहिं । सुकुलि सुखित्ति जम्मु जइ पाविह तहवि न परमधम्मु संभावइ । तं पर लहइ महागुरुभत्तिए अह सावयकुडुंब उप्पत्तिए । वरि चेड विजाउ सावयकुलि मं नरवइवि पावमइसंकुलि । इय इत्तियपयारसंजोएं मणुअजम्मु को लहइ निओएं ।
जो तं लहिवि सिढिलु जिणसासणि सो अंघलउ जाउ निहिंदंसणि । जो तो दिणुवि जाउ विणु धम्मिं तं केणवि पुव्वक्कियकस्मि ।
