________________
भविसयत्तकहाए
जइ एहउ विच्चइ महु सरीरि तो झंप देमि जलरवगहीरि । जंपणउं चडइ जइ कुलि मलित्ति तो देहु दहमि हुअवहि पलित्ति । नयणिहिं जोइज्जइ को न लोइ सप्पुरिसि कहो न अणुराउ होइ । सहिंदीसह जो जो गुणविचित्तु किं तहो तो खंडिव्वर चरिन्तु । कसणेहिं चलधवलिहिं लोयणेहिं अहिलसिउ जइवि खललोयणेहिं । सो इत्थु जम्मि महु तो विभाइ जइ माइ जइवि हियवइ न माइ । धत्ता । अणुहुंजहि नाहु जो पुव्वज्जिउ पई सुहवि ।
१३०
महु विसयहेण सहि पज्जत्तउ इत्थु भवि ॥ ६॥ अहिणवरं भगन्भसोमालहिं धणमित्तहो पत्तिहिं गुणमालहिं । फिट्ट भंति अवउ विसज्जिउ अहिउ सणेहु पुणुवि पडिवज्जि । ताईवि ताए बेवि अभहियई पडिउवयारसयहिं संगहियई । fafafa नियतायहो दक्खवियई तेणवि पहुपरियाणि सम्मवियई । जोयरिण सणेहिं धीयहिं सयलकलाकलावसुविणीयहिं । फेeिs अन्नहो पर पहुत्तणु अपि धणमित्तहो सिट्ठित्तणु । सपउरु पुरु विहडफड धावइ धणमित्तहो मंदिरु संभावइ । वज्जोयरदुहियहं मणमोहिं एकहो तो धणमित्तहो नेहिं । तं घरु सपरिवारु सम्माणिउं सपउरि पहुपरिवारिं जाणिउं । धत्ता । तहिं बिन्निवि ताई मिच्छामोहमहावसेण ।
कोसियवयणाई परिभावंति समंजसिण ॥ ७ ॥ तावसनिलइ ताहं पसंतहं मिच्छानियमसीलसंजुत्तरं । अवरुप्परुसमिडसमवायहं बिहिंमि इक्कुगुरुवयणविहेयहं । बिहिंमि ताइं कोसिउ गुरु जायउ पयडउ पट्टणि पुरि विक्खायउ । कित्तिसेणहो परियाणि रुच्चइ धम्मबहिणि धणमित्तहो वच्चइ । घत्ता । अणिक्कु जुवाणु नंदिमित्त थिरथोरभुउ ।
धमित्तहो मित्तु जाउ नंदिवद्वणहो सुउ ॥ ८ ॥ नंदिमित्त निजसासणि भत्तउ अणुदिणु आराहइ रयणत्तउ । निययकज्जकारणसंबंधिं घरु सिट्ठिहि सेवइ अणुबंधिं । धमित्तुवि तुरंग परिवाहइ सारासारपरिक्खण चाहइ । पट्टणि सुत्तविमुत्तरं जाणई दुट्ठई दुब्विणीय अवमाणई । अप्पमत्त कोसि अणुअत्तरं कित्तिसेण अणुमग्गि पवत्तइ ।
