________________
सोलहमो सन्धी। पुणु गंधोवएण सुपवित्तिं घणघुसिणुज्जलकंतिविचित्तिं । पुणु समलद्धएण आमोएं पुणु पक्खालिउ निम्मलतोएं। पुणु मणिकंचणकंतिकयत्थहिं निम्मलपुन्नपवित्तपसत्थहिं । जलकलसिहिं अहिसित्तु नरिदि नं कल्लाणकालि अमरिंदि । पुणु तणु लुहिवि पोत्तसंचारिं सइं समलड्डु घुसिणवणसारिं । बहुपरिमलकुसुमई ओमालिवि झुणि आलत्त सिरिण संचालिवि ।
गुमुगुमंतसरमहुरमइंदहि बहलकुंदवचकुंदतकुंदहिं । घत्ता । अहिसिंचिवि जगनाहु खणु अच्छइ नरवइ जाम ।
मुणिवरचारण बिणि संपाइय जिणहरि ताम ॥ ४॥ ते विनिविट करिवि जिणवंदण मुणिवर जयनंदण अहिणंदण । पणविवि सविणएण नरनाहिं पय पुज्जिय महएविसणाहिं। तेहिंमि थुइपहरिसु मणि खंचिवि दिन्नासीस पाणि आउंचिवि । जंपिउ पिउ पेसलु निरविक्खउ धम्महो विद्धि असुहकम्मक्खउ । सलहइ मुणिवरिंदु ललियंगउ अहो नरवइ उन्जमु किउ चंगउ । खीरिं वीयराउ जो न्हावइ सो तित्थयरगोत्तु संभावइ । . जो जिणमहिममहोच्छउ देक्खइ पुज्नइ पुजिजंतु पदेक्खइ । दसणनाणचरित्तसमिद्धिए भावइ मणवयकायविसुडइ ।
सो इहरत्ति परत्तिवि रिज्झइ जं चिंतइ मणेण तं सिज्झइ । घत्ता। विहसिवि भणइं नरिंदु विणु विणयनिओएं देव ।
मणवयकायविसुद्धि अम्हारिसु पावइ केम ॥५॥ जिणपुज्जाविहाणु सुनिउत्तहिं किन्जइ जइ विनिवेसियचित्तहिं । तोवि चंचलु मणु केम धरिजइ इंदियचोरहं मंतु न दिजइ। घाणु सुयंधमाणु विणिओयइ चक्खु सख्वहं समुहं पलोअइ। परसु परामरिसेव्वउ इच्छइ जीहाहारविसेसई बंच्छा। कन्नहिं गेउ सुहावउ रुच्चइ एकिकउ तं लेविणु मुच्चइ। पंचहिं अणुदिणु जं पेरिजइ तं मणु निच्चलु केम धरिजइ। भणइं मुणिंदु जइवि मणु चंचल तो संवरिवि धरिव्वउ निचलु । चक्खिहिं रूवनिरिक्खणु रुच्चइ जिणपडिविंबरूवि सा मुच्चइ । कन्नहिं पर जिणआगमु सुम्मइं जीहई पगुणगुणत्थुइ थुव्वई । १ A तकुंइतकुंदहि.
