________________
भविसयन्तकहाए देविणु दीवजुत्ति अंगारइ रणरणतघंटाटंकारइ। उच्चल्लिवि पसन्नथुइवयणिं अणुवासिय परिवासियवयणिं । सुविहिए मंगलग्गि पजालिय पुरउ तिवार भूमि पक्वालिय । अंगु मलेवि सुअंधामोएं निम्मजिउ परिवत्तरतोएं। पुणरवि धूवविलेवणवन्नए परिवाडिए देविणु अवगन्नई। सिडमन्निं अहिसेउ पवाहिवि दसवि दिसाहिवाल आवाहिवि । दहिषयपायसखइयनिओएं पुप्फक्खयफलदलसंजोएं।
तंवयपत्ति करिवि अणुराएं उच्चल्लिउ आरत्तिउ राएं। घत्ता । जलकुसुमंजलि देवि बहुथुत्तुग्गिन्नगिरेण ।।
अक्खयफलघुसिणेहिं निम्मच्छिउ नाहु नरेण ॥२॥ पुणु कप्पूरकरंबियतोएं पुणरवि दिन्नु तिवारामोएं। पुणु वरसुरहिखीरि उप्पन्न कुंकुमरसचामीयरवन्नउं । जणवइ घाणिदियहिं सुहाविउ मारुअरुअवेयणविच्छेयउ । जं सोरंभु रंभवणमग्गु व निडु समिड सुयणसुहिसंगु व । घवघवंतु मणिकुंभकर्यविहिं झलझलंतु धारापडिबिंबिहिं । हयपडपडहभेरि मणमोएं जयजयकारु करंतिं लोएं। घउ निवडइ वच्छत्थले नाहहो न्हवणारंभि विहूइसणाहहो । सोहइ कलसमुहई मिल्लंतउ जिणकल होइ कंतिरिल्लंत । घुलिवि अंगि थिरु होविणु थक्का जिणवच्छयलु मुएवि न सका। अह भएण दुश्वासणसंगहो न तरइ तरिवि जिणेसरअंगहो। जम्मणमरणपलाव सरेप्पिणु नं थिउ जिणवरु हियइ धरिप्पिणु । अह सव्वंगई भरिवि जिणिंदहो कहइ नाइ भवियायणविंदहो ।
अहो महु अज्जु नाउँ मुहु पत्तउ जं एवड्ड महत्तणु पत्तउ। घत्ता । उव्वत्तिवि पयकोसु अहिणंदिवि तिहुअणसारु ।
दिन विलेवणु मन्नु उक्खेविउ धूवंगारु ॥३॥ पुणु हिमसंखसरयससिधवलि थिरमंथरपवाहपहधवलिं । किन्नरगीयगेयगंभीरिं न्हविउ जिणिंदु सुरहिवरखीरिं । पुणु कुंदुजलकंतिवयंसिं रिद्धि समिद्ध मणोहरफंसिं । जिणु अहिसिंचिउ सुरसम्भहिएं दडवडरवड पडंतिं दहिएं। १ B कयंति २ A सम्भाएं.
