________________
भविसयत्तकहाए
एवहि तुहुं अम्हहं सामिसालु खेवहं तब आण करेवि कालु । अणुहुंज सिंधु सायरह दोवि चंपहि चंपाहिउ करहि कोवि । पोयणपुरवरि नियकरणु देहि पव्वयमंडलियहं कप्पु लेहि । एवहिं तर आणई अम्ह तेउ सो भंजहं जो तइ अणविहेउ । तं निणिवि पंकयलच्छिजाउ सम्माणई सयलवि कयपसाउ । अरिदप्पसाड कीलई रमेवि जं जासु तं जि तास खमेवि । अप्पर परिवारु सपिंडवासु करितुरयजोहभंडारु कोसु । अंतेरि सई भविसाणुरूअ सम्माणु करइ गुणसारभूअ । संपेसिय गय सयलवि नरिंद नियनियनयरिहिं थिय सुहडविंद | धत्ता । वणिउत्तें होवि गयउरि पुव्वसुकयजुएण ।
११०
मंडलिय जिणेवि लइय लच्छि धणवइसुइण ॥ ९ ॥ जयजसपसरपसाहियगत्तिं भविसिं रायलच्छि माणंतिं । बहुकालिं बहुसिय संभाविय बहुनरवइ नियसेव कराविय । अखलिउ सालंकारु सणेउरु पसरिउ पिंडवासु अंतेउरु । सीहबारु सीहासणु छत्तई एम्वमाइ अन्नईमि वित्तई । एम तासु बहुभोयासत्तहो हुअ गुरुहार धीय भवियत्तहो । सा दुर्लभ दोहलय सरंती पुच्छिय रहमंदिर विलसंती । कहहि देवि जा नयणाणंदिर तिलयदीवि ससिपहजिणमंदिरि । धत्ता । जइ जाइवि तित्थु पुज्जमहिम जिणवर करमि ।
तं सिज्झइ केम तेण नाह हियवइ धरमि ॥ १० ॥
तं निणिवि नरवइ चिंताविउ गहणु समुद्दत्तरणु मणि भाविउ । किम तं तिलयदीउ आसंघमि दुत्तरु किम रयणायरु लंघमि । तइयहं गय पिल्लिय दुव्वाएं आणिय माणेसरिण सहाएं । एवहिं पुणु दुलंघु तर्हि संगउ अंतरु जलदुग्गमु थलदुग्गउ । जइ आयहो दोहलउ न पुज्जइ तो पुरुसाहिमाणु नउ जुज्जइ । एम जाम चिंतवइ महाइउ तक्खणि सो मणवेउ पराइउ । तेण वृत्तु पडिहारु समासए अवसरु जाणावहि पहुआसए । सविता fasaण कडक्खेवि सुवियक्खणु वि न सक्कइ लक्खेवि । गउ पहुपुरउ अवक्खए खेविउ मुहि वत्थंचल देव्वि निवेइउ । देव देव अच्छारिय महंतरु अच्छइ बारि मउडकुंडलधरु ।
