________________
चउद्दहमो सन्धी ।
१०३ तेहइवि कालि अविसदृमोह हुंकारहु पहरु मुअंति जोह । किवि आहणंति दिसि बहु मुणेवि गयगज्जिउ हयहिंसिउ सुणेवि। किवि कोक्किवि पडिसद्दहो चलंति असिमुट्ठिए नियलोयण मलंति । धावंतु कोवि अहियाहिमाणु गयदंतहिं भिन्नु अपिच्छमाणु । कत्थइ पहराउरअयसमोह गयघड पयह निहणंति जोह ।
रउ नट्ट विहंडिउ भडखलेण महि मुद्दिय वणसोणियजलेण । घत्ता । तो गयघडपिल्लिउ सुहडहिं भिल्लिउ अवरुप्परु कप्परियतणु ।
सरजालोमालिउ पहरकरालिउ भमरावत्तिं भमिउं रणु ॥ १४ ॥ दुवई । तो इक्वयकन्नपंगुरणहिं सुहडहिं नारसिंहहिं।।
ढदाढाकरालमुहभासुरलोलललंतजीहहिं ॥ खज्जंतु भमिउं करवहं सिन्नु ओसारु निविडगयघडहिं दिन्नु । तेहइवि कालि सोंडीर वीर पहरंति सुहड संगामधीर । केणवि कासुवि असिधाउ दिन्नु उरु सिरु सखग्गु भुअदंड छिन्नु । असि वाहइ कोवि गलद्धसेसु हत्थेण धरेवि पडंतु सीसु । केणवि आरोडिउ लंबकन्नु वंचेवि फरसु कुंतेण भिन्नु । केणवि रणि तजिउ एकवाउ विजाहरकरणिं दिन्नु घाउ।। केणवि ढुकंतु ललंतु जीहु दो खंडिवि पाडिउ नारसीहु । कत्थइ कडु आविय गयहं पंति परिभमिय सुहडसीसई दलंति। कत्थइ पहराउर दुन्निवार हिंडिय तुरंग पडिआसवार । कत्थइ सरोहु वणसोणियंधु सुरहिउ करि नरकेसरिहि खंधु । एहइ वटुंतए रणि असक्कि मंतणउं जाउ महिवालचक्कि । अहो अच्छइ हु काई निरावसन्न कुरुवइहि ओसारिय लंबकन्न । मंछुडु दुजउ भूवालराउ दीसइ धणवइसुउ बहुपसाउ।
तं मंतिवयणु हियवइ धरेवि उट्ठिय सयलवि समहरु करेवि । घत्ता । महिवइसामंतिहिं समरि भिडंतिहिं कुरुवइसाहणु ओसरिउ ।
ढिपहरकरालिउ समरसजालिउ रणमहि मिल्लिविनीसरिउ ॥१५॥ दुवई । भग्गइ सामि सिन्नि पइसंतए पसरिवि निययमंडले ।
निरु खलभलिय गामपुरपट्टण तहिं कुरुभूमिजंगले ॥ गयउरजणु हल्लोहलिउ सुट्ठ नायरियहिं हाहाकारु घुछ। विहडप्फड धाइय पयअसत्थ परिमुक्ककेस विहडियनियत्थ ।
