________________
९९
चउद्दहमो सन्धी। वारंतहो मज्झु असम्मएण उच्चाइउ विग्गहु समउ तेण। गंभीरु धीरु गुणसारभूउ सुपसन्नकित्ति पट्टविउ दूउ । भणु अजवि एम गयारि वुज्झु भूवालिं सहुं किजइ न जुज्झु । तं वयणु सुणिवि गउ दूउ तित्थु पंचालदेसि खंधारु जित्थु । तो वुत्तु तेण अवणिंदजाउ सामंतमंतिमंडलसहाउ । तउ ताएं राएं वुत्तु एम संवरहि जुज्झु करि संधि देव ।
तो भणइं वीरु विप्फुरियदेहु किर संधिहि अवसरु कवणु एहु। घत्ता । जो भिउडि निहदिवि भड दलवहिवि आसंघिवि अहिमाणजउ ।
तहो माणु धरंतहो संधि करंतहो परसुहडत्तणु जाइ खउ ॥५॥ दुवई । पहचित्तंगु जेहिं अवगणिउं मनिउ गरुअविग्गहो।
देइ सुमित्त जेहिं उच्चायउ भविसत्तहो परिग्गहो। कयपक्खवाय घल्लिउ अणंतु परिखुहिउ उत्तरावहु सतंतु । कच्छाहिउ जहिं उव्वहिवि आउ उत्थरि समरि बहुनरनिहाउ। दलवटिउ अग्गिमखंधु जेहिं भणु कवण संधि किर समउ तेहिं । गउ दूउ कहिउ तं निरवसेसु अहिओय चडिउ पोयणपुरेसु । पेसिउ असेससामंतचक्कु पुरि अप्पुणु पर एकंगु थक्कु। संघट्ट समरभूमिहिं न माइ खयकाले समुद्दजलोहु नाइ। हयभेरिपयाणउं दिन्नु जाम रणु मंडिउ कच्छाहिविण ताम । सन्नद्धबद्धपरियरभडेहिं पारडु जुज्झु नियनियथडेहिं । मेइणिकारणि पहरंति जोह हम्मति हणंति निवडकोह । तो नवर कुरुडकडक्खरेहिं सुहडहं पोयणपुरवक्खिएहिं ।
कडु आविउ कच्छाहिवहो सिण्णु मिल्लिय रणमहि ओसारु दिनु । धत्ता । वलिवंडई चप्पिवि सुहड झडप्पिवि ओसारिवि सामंतसय ।
जलदुग्गई लंघिवि रिउ आसंघिवि आहणंत गयउरहो गय ॥६॥ दवई । तो पडिभडवमाले निहसंतिए थिरगंभीरकायहो।
तक्कालाणुसारु परियच्छिवि अक्खिउ चरिहिं रायहो ॥ अहो पहुबहुमाणभडावलेव आयउ पारकउ जिणिवि देव । तहो साहणि जं किउ दप्पसाडु आरोसिउ तहिं हिमगिरिकवाड । पट्टविय समरसंगमि अमोह एकवयकन्नपंगुरण जोह । सहुलवयण नरनारसीह अब्भोभडत्तणि धवललीह ।
