________________
भबिसयत्तकहाए जेण कयावि कहिंमि परचक्कहो वयणिं न उच्छलिजए॥ केणवि अणिउत्तिं चंचलधुत्तिं सन्निय माय महासइ । न कहिव्वउ पइपुत्तहो सवजणसुत्तहो तोरि वसिव्वउ मई वासइ ॥ हउं सुद्द वियक्खणु बुज्झमि लक्खणु अन्नमहिल न मो रुचद ॥ थिय हियई घरेप्पिणु तुम्हि करेविणु उत्तर किंपि न वुच्चइ ॥ मुद्धए अविहायए सरलसहायई पुच्छइ असइवयंसिया। ताई वि अवियप्पि बहुकंदपि पेरिवि दुम्मइ पेसिया ॥ · तहि बुद्धि करंतिहि जारु धरंतिहि फलु संबज्झइ जेहओ।
जं वुत्तु अणंतिं आएं मंतिं एत्थुवि तं फुडु तेहओ ॥ धणवइवयणिं रोसिउ अणंतु जंपिउ करालु मुह विप्फुरंतु । अहो धणवइ तुहुं बहुबुद्धिवंतु पहुपंगणि किं जंपहि अजुत्तु । सहमंडवि पर सो चवइ एम जो परबलि भिडइ कयंतु जेम । जो मंडइ रणभरधुरहो खंधु जसु रणि सेणावइपट्टबंधु । जो वइरिवरंगणहिययसल्लु समरंगणि जो मुहलोहमल्लु । तुहुं पुणु नरनाहहो जइवि मन्नु वाणियउ वुत्तु पुणु काई अन्नु । तं वयणु सुणेविणु भविसयत्तु नियकुलविवायपरिहविण तत्तु । आवेसवेसविप्फुरियनयणु जंपिउ सरोसु निडुरियवयणु ।
अहु दिड तुम्हि आयहो अगन्नु वाणियउ उत्तु पुणु काई अन्नु । घत्ता । कुलकित्तिविणासणु मइलियसासणु किं बुल्लाविउ एहु खलु।
नीसारिवि घल्लहु लइ गलथल्लहो पावउ नियदुव्वयणफलु ॥ ८ ॥ दुवई । एक्कुवि मणि सरोसु चित्तंगहो वयणि थिउ विचित्तओ।
अन्नुवि नियजणेरु परिणिदिउ हुववहु जिह पलित्तओ ॥ अहु एहु सुट्ट दूरयरि चक्कु सहमंडवि जंपिउ तेण मुक्कु । मई मंडिउ रणभरधुरहो खंधु महु सिरि सेणावइपबंधु । सहमंडवि मई उल्लविउ एम हउँ परबलि भिडमि कयंतु जेम । हउं वइरिवरंगणहिययसल्लु समरंगणि हउं मुहलोहमल्लु । अहु अनुवि महु नियमणि वियप्पु पव्वउ महिवालहो देइ कप्पु । तहो आणइं भुंजइ नवर देसु इहु सेवइ चरु पच्छन्नवेसु। नीसारिवि घल्लहो धरहु बारि परिवारहो एउ पयावहारि । जइ तहु गइसंगमि नउ पसत्तु तो किं कुवि एहउ देइ मंतु।
