Page Text
________________
तेरहमो सन्धी
९३
घत्ता । मेहेसरुपुव्वहं नरसयथुव्वहं रज्जु करंतहं वरनयरे। .
अत्थाणि य नयणहिं अविणयवयणहिं कोवि न जंपिउ इत्थु घरि ॥५॥ दुवई । तो अहियावलेउ मंडलवइ विज्जुजलकिवाणओ।
थिरु गंभीरु धीरु पव्वयघणु जंपइ खसपहाणओ॥ चित्तंगहु इत्थु न कोवि दोसु तहो उप्परि अम्हहं कवणु रोसु । सामियसंदेसउ लेवि आउ पडिवयणु कहिवि णिग्गउ वराउ । सुहिए ण विढप्पइ पारियच्छि सुंडीरहं खंडह वसइ लच्छि। जो जित्थु कालि रणि अहियदप्पु तहो तित्थु दिति मंडलिय कप्पु । तहो वयणिं जइ थिय करेवि खंति तो लइय तुम्हि वेढिवि न भंति । दुव्वयणहों पहरिव्वउ पहाणु अहिमाणु माणु सुहडहं पहाणु । एत्थंतरि भणइं अणंतवालु हउं आएं देक्खमि पलयकालु।
अवणीसरु परिवड्डियपयाउ सामंतसयई मेल्लेवि आउ। घत्ता । तहो समरि भिडंतहं निसुढियगत्तहं पर होसइ तं फुडु मरणु ।
अह सिढिलियखग्गहं पयडियमग्गहं अवसेसहुं पव्वउ सरणु ॥६॥ दुवई । जं पच्छिमसमुहु आसंघिवि दुडरु दंड पेसिओ
तं तुम्हई समाणु नउ कुसलिं परउन्भेउ तेसिओ॥ कुरुजंगलु फेडिवि पइसंतहं तुम्हहं विणु न छजए। कच्छाहिवहो समरे संघहो कहो न मरट्ट भजए। उच्चाइव्वउ विग्गहु न ताम परबलहो परमाणु न दिटु जाम । चित्तंगु विसज्जहु पिउ चवेवि जं जं मग्गइ तं तंपि देवि । अप्पुणु अच्छहो मज्झत्थ होवि पेक्खहो किं भिडइन भिडइ कोवि। जइ कच्छाहिवइ पइट्ट इत्थु ता अन्ने केणवि गणण कित्थु । अह कच्छाहिउ संवरिवि थक्कु तो हम्मइं परचक्केण चक्कु । महएवि भणइं इउ अलिउ मंतु परिणई सुमित्त पर भविसयत्तु । जं इक्कवार पडिवन्नु लोइ ऊसारु तासु सुंदर न होइ। अन्नवि जं मग्गिउ तंपि तासु दिज्जंतु करइ माणहो विणासु। चित्तंगिं जंपिउ जं नियाणि तं विहसिउ करइ पयावहाणि ।
ववगयपयाव नासइ सहत्थु जं जाणहं तं चिंतवह एत्थु । . घत्ता । तो कुवलयदिहिँ धणवइसिटिं ईसि हसेविणु अल्लविउ ।
अहो बहुमइवंतहो वयणि अणंतहो चंगउ वयणु परिप्फुरिउ ॥७॥ दुवई । आएं कारणेण बहुमंतिहु वयणि मंतु सिज्झए ।
| SR No. | 032126 |
| Book Title | Bhavisayatta Kaha |
| Original Sutra Author | N/A |
| Author | Kavi Dhanpal, C D Dalal |
| Publisher | Baroda Central Library |
| Publication Year | 1923 |
| Total Pages | 402 |
| Language | Sanskrit, Hindi |
| Classification | Book_Devnagari |
| File Size | 33 MB |