________________
भविसयत्तकहा
जइ तं ताहं विहंजिवि दिजइ तोवि राउलि वि नाहि पइसिज्जइ । कवणु गहणु किर एहिं वरायहिं काउरिसहं अट्ठपडिवायहिं । भंजिवि पंचसयहिं जो पम्मुहुं पइसिवि राउलि करहं परम्मुहुं । घल्लिवि पंच विसय दंडावहु जो जंपइ तहो सिरु खंडावहु । धत्ता । तो भाई पुरेसु वह ताम एड करहु ।
रायंगणि गंपि पिस्रुणहो पिसुणत्तणु हरहो ॥ ५ ॥ तो नंदणपवंचमोहियमह सलु पवरु मेलावइ घणवइ । गउराउलहो गरुपसंखोहिं अमुणियकज्जाकज्जविबोहिं । सहं पुत्तिं पहुपुर परिट्ठिउ साहंकारु वि सारु अणिट्ठिीउ । fer नरवs आवे धरेविणु भविसयत्तु पच्छन्नु करेविणु । वणिवरु पणयसगग्गिरु जंपइ आसंघइ राउलइ समप्पइ । जइ अवराहु तोवि नउ जुज्जइ जइ सुहि तो एहउ किं किज्जइ । कज्जारंभि मणोरहवंतए किज्जइ विग्घु पिस्रुणि पवहंतए । विहसिवि बंधुयत्तु पडिवक्कइ अम्ह रिद्धि जो सहिवि न सक्कइ । सो पच्चक्खु पुर बसारहि सुदिढवयणसंकडि पइसारहि । कि पेसुन्नु जेण भयभीसिं अंतरु तुलमि अज्जु तहो सीसिं । धत्ता । हुंकारु मुवि भविसु परिट्ठिउ तहो समुहुं ।
७३
इहु सो पडिवक्खु करहि वयणु जइ अत्थि मुहुं ॥ ६ ॥ तो हुंकारु करेवि सुनिग्भरु जोवइ समुहु जाम बहुमच्छरु । ताम्व कुमारहो वयणु नियच्छिउ झत्ति विलीणु लिहिवि नं पुच्छिउ । लज्जइ समुहुं निएवि न सक्किउ नियदुच्चरियहं माणकलंकिउ । नउ पडिवयणु करइ नउ पणवह मउलियवयणकमलु थिउ धणवह । राएं पंच विसय हक्कारिय कोक्किवि नियडि पुरउ बइसारिय । तेहिंवि भविसयत्तु अवलोइवि लज्जइ समुहुं न सक्किउ जोइवि । पच्चारिय सयलवि भूवालिं अहो किं तुम्हि गिलिय कलिकालिं । मुहि सरलहं अभंतरि घोरहं दीसह तुम्ह चरिउ जं चोरहं । पहुवयणि आणिओयणिउत्तहं पासेइउ सरीरु वणिउत्तहं । घत्ता । हुइ छायाभंगि थोरपलंबुब्भियभुइण ।
पियवयणु चवेवि मं भीसिवि धणवइसुइण ॥ ७ ॥ देव देव एयहं अविहायहं न करिव्वउ अवराहु वरायहं ।
