________________
दो सन्धीM
जामहिं पहु अवहिएं परिसक्कइ तामहिं भिन्नु धरेवि न सक्कइ । तो पुच्छिय पियवायएं राएं तेहिंमि कहिउ सयलु अणुराएं । पुरउ परिट्ठिय बिन्नि महंतर तेहिं निवेश्य वाय निरंतर । अहो रायाहिराय परमेसर अम्हई कुलि जाणिज्जहं वणिवर । सुअउ न सुणहं न दिट्ठउ देक्खहं किम एवड्डु वयणु तर अक्खहं । जं कि एण कम्मु अवियारिउ तं जणवइलज्जणउं निरारिउ । पियरितुल्लु जो बंधउ बुच्चइ सो किम्व वणि वंचेविणु मुच्चइ । तहिंमि एहु पुन्नहिं न समत्तउ हुउ सकलत्तु महासियवंतउ । धत्ता । अम्हइंमि भवंत निडण निव्ववसाय हुअ । दुम्मण दुम्मारुएण धुअ ॥ ८ ॥
गय तं जि प तं पियवयणु चवंतहो आयहो खमिउं एण बहुविणयसहायहो । णियसज्जणसमिद्धि दरिसाविय पंचवि सय भोयणु भुंजाविय । सम्माणिवि परिहाविय वत्थई निययधणहो भरियई वोहित्थई ।
रवि अणु तहिं जि घलेविणु आयउ अतुलु महाधणु लेविणु । अह पहुपुरउ उ किम्व सीसइ छेयंतरि पेसुन्न होस । बिन्निव तु मणनयणाणंदण कमलाएविसरूव हि नंदण | होसइ तं जि तेम घरि तुम्हहं वज्जदंड निवडेसइ अम्हहं । तं निणिवि विहसिउ नरनाहिं पियसुंदरिमहएविसणाहिं । बालउ वरविलयहिं अवलोइड सव्वें पहुपरिवारिं जोइउ । धत्ता । आलिंगिड लेवि राएं नेहनिरंतरिण ।
अडाणु दिन्नु पुव्वसणेहगुणंतरिण ॥ ९ ॥
पुणु पुणु पहु दरिसर नियलोयहो अहो नवल पडिवाइउ जोअहु । एहु सु धणवइपुत्तु महंत कमलहिंतणउं सुठु गुणवंत । मई कालंतरेण नउ नायउ अहो लोयणहो दिन्नु अणुरायउ । बालउ इत्थु एहु कीलंतउ चरियहं सुठु सुहावउ होंत । पोढविलासिणीहिं रुज्झतउ एक्किकई समाणु जुज्झतउ । बहुसियहारतार तोडतउ सुनियत्थई वत्थई मोडतउ । सिंहासणसिहरोवरि थंतर चुंबिजंतु कवोलई खंतउ । वड्ढि मामहं सालि असंगमु बहुकालहो संजाउ समागमु । एम्वहिं करमि तेम सविसेसणु जेम कयावि न होइ अदंसणु ।
१०
