________________
६६
भविसयत्त कहा
धत्ता । गउ तेण पहेण तं वरमंदिरु पंचमउ ।
आरू तुरंतु मणहरु सव्वु सुवन्नमउ ॥ १२ ॥ तित्थु कुमारि एह महं दिट्ठी सुहलक्खणगुणरूववरिट्ठी । आयएं सविणयाएसविसिट्ठउ नियकुलु नाउं थाउं महु सिउ । जिम पुरु निसियरेण उज्जाडिउ जिम परियणु असेसु विभाडिउ । मज्झ कुमारि एह अवइन्नी नवि पडिवन्निय ममि अदिन्नी । आइउ असणिवेड मणि खारिउ पट्टणु सयलु जेण संघारिउ । तेवि महं समाणु पिउ जंपिउ सहु कन्नडं वरनयरु समप्पिउ । कि विवाह महु तेण सहाएं बारहवरिस थियई अणुराएं । पुणु तं मुवि विलतरुतंडवि संचिउ वहिवि दव्वु लयमंडवि । धत्ता । तहिं वियणि अरण्णि नियकुलमग्गि अहिट्ठियां ।
जिधम्मरयाई बिणिवि दियहं केवि ठियई ॥ १३ ॥ तहिं जि सोवि बधुयत्तु परायउ हिंडिवि निद्वणु निव्ववसायउ | बहु निदिउ गरहिउ अप्पाणडं मईमि खमिउं अवराहु चिराणउं । पुणरविछि लहेविणु धाइउ तं धणु धणिय हरेविणु आयउ । थिउ हउं तहिं जिवणंतरि छंडिउ पुणरवि तं जि पएसहिं हिंडिउ । तं जि नयरु पुणरवि परिसक्किउ थिउ जिणहरि अहिमाणकलंकिङ । सुमरिउ माणिभद्दजक्वेंदें तहु आढत्तु आसि चिरु इंदें । सरिवि पुव्वजम्मंतरकारणु साहम्मियवच्छल्लबियारणु ।
तेण सुमित्तत्तणु मणि भाविवि आणिउं इत्थु विमाणि चडाविवि । धत्ता । तं सुणिवि जणेरि सिरि करपल्लव धरिवि थिय ।
समसज्झसि हुअ नाई विणिम्मिय कट्ठमिय ॥ १४ ॥
दुक्खु दुक्खु नियमणि संजोइउ पुणु पुणु पुत्तहो वयणु पलोइउ । हा तहिं कालि पुत्त मई वुत्तउ गमणु न एण समाणु न जुत्तउ । हा पाविट्ठि जन्न विणासिउ मंछुड कुलदेविए आसासिउ । हाकिम वणि हिंडिउ असहाय महु पुत्त अज्जु पुणु जायउ । हा गिरिकंदरि केम पइट्ठउ हा सुन्नउं पुरु भमिउं अणिट्ठल । हा पुरु सयलु जेण संघारिउ कह न तेण निसियरिण वियारिङ । हा सुन्नंगणि होइ उवहउ परिभमंति निसियरिङ रउद्दउ ।
१ B सिरु करपल्लव
