________________
६५
नवमो सन्धी। एयहो नरहो विणयनयवंतहो न करिव्वउ निरोहु पइसंतहो। तक्खणि गउ कुमारु पणवेप्पिणु अच्छिउ तणु पच्छन्नु करेप्पिणु । मामहु मंदिरि जणु संभासिवि पणविवि किउ संकेउ समासिवि । जणणिए वुत्तु पुत्तु दिहिगारउ तुह पिउहरहो आउ हुक्कारउ । आणिय जा कुमारि बधुयत्तें तहो तिल्लायरु अज्जु पयत्तें ।
किं तहिं जामि किं त नउ गम्मई तो विहसंतु भणहं सुंदरमह । घत्ता। तउ अक्खमि माए वह इत्थु महल्लह ।
रक्खेव्वउ गुज्झु जाम पईसमि रायसह ॥१०॥ तं निसुणेवि जणणि आहल्लिय परिपुच्छइ हरिसंसुजलोल्लिय । मई सहु पुत्त गुज्झु नउ किजइ जं वित्तउ तं सव्वु कहिजइ । भणई कुमार वयणि दिदु होजहो मं बाहिरि जणि घोसु करिजहो । एह कुमारि लोइ जा सुम्मइ जाहि विचित्तरूवि जणु घुम्मइ । ताहिं विवाहु जाहिं आरंभिउ जाहिं कजि पुरुपउरु वियंभिउ । सा महु घरिणि तुम्ह वहुआरिय एण खलेण हरिवि संचारिय । जं पहं वुत्तु आसि विन्नासिं तं जि एण सचविउ हयासिं । चिरु हउं घल्लिउ एण वणंतरि दुसहसीहसडूलभयंकरि ।
जहिं माणुसु सुविणे वि न दीसइ जहिं धीरहं मि चित्तु भय भीसइ । घत्ता । जहिं धूमंधारि सूरु न दीसइ नवि गयणु ।
तहिं असरणि रन्नि मई संभरिउ तुम्ह वयणु ॥११॥ तहिं वणगहणि बहलतरुतंडवि गमिय रयणि अइमुत्तयमंडवि । पसरि पड्डु गहिरु गिरिकंद तं लंघिवि दिट्ठउ वरपुरवरु । मढविहारदेहुरहिं रवन्नउं बहुधणकणयरिद्धिसंपुन्नउं । तहिं पइसरमि जाम भयवजिउ सुन्नउं तंपि गामु जणवजिउ । हिंडिउ तंपि सगेहु सराउलु वरतोरणतवंगतुंगाउलु । मणपरिओसकोसरिसावणु पायडपउरभंडभरियावणु । तहिं धवलामलकेवलवाहहो दिहु भवणु चंदप्पहनाहहो । तहिं थुह करिबि जाम खणु अच्छमि ताम वरक्खरपंति नियच्छमि । सा उद्देसई सुहिकन्नंतरि पुव्ववासि पंचमई घरंतरि । अच्छह वरकुमारि सुवियक्खण सा करि धरहि गंपि सुहलक्षण । १ A पवित्तिं २ B देउल'
