________________
नवमी सन्धी
६१
धत्ता । लाएं वि पडिवज्जिय सज्ज किय किउ निच्छउ दियहं गणंति थिय । धणवई व पसाहियसव्वसिय थिउ संधि समाणिवि अट्ठमिये ॥ २० ॥ अष्टमः सन्धिः
चंद पहनाहु नविवि परम सन्भावरउ ।
पुणु अक्खमि जेम भविसयत्तु नियनयरि गउ ॥ भविसहो तिलयदीवि निवसंत हो चंदपहजिणभवणि वसंतहो । दहयादुहसायरि मज्जंतहो फासूय तरुवरफलई असंतहो । सुमरि माणिभद्दजक्खेसें अच्चुअसग्गसुरिंदाएसें । चिरु आढतु आसि महु वणिवरु जिणमंदिर निसन्नु महिगोयरु | सुयणु समपि महु निक्खेवर एहु सहएसभूमि पइ नेव्वउ । सो थिउ म तहिं महानरु नउ सुमरिउ विचित्तु चित्तंतरु | न मुहं तासु कवि गइ वह एउ चिंतिवि सविलक्खु पयइ । चंदप्पहजिणभवणि पराइउ जिणु पणविवि आलतु महाइउ । अहो सुंदर सुहकम्मनिउत्तहं कुसलु तुम्ह सकलत्तसवित्तहं । धत्ता । तं वयणु सुणेविं भविसयत्तु विभयभरिउ ।
कियविविहवियप्प तासु समुहुं जोयंतु थिउ ॥ १ ॥ ता संवरिवि अंगु दिदु वीरिं परिचिंतिउ अवलंबिय धीरिं । अणिमिसनयणु अणोवमु दित्तिए मणुउ न होइ एहु विणु भंतिए । अह सुविणीयवयणु पियदंसणु हियइ छिवंतु करइ संभासणु । वित्तकलत्तवत्त वक्खाणइं को सावन्नु अन्नु तं जाणई । अह दीवंतरेण जइ पिच्छइ तो अवहरणु किन्न परियच्छइ । किं सो असणिवेउ इयरूविं करइ केलि पच्छन्नसरूविं । को जाण बहुमाया भरियई एयहं कवडकुडिल्लई चरियई । अह सिढिलत्तणि को न निहम्मई ता एयहो वीसासु न गम्मई । घत्ता । अवलोइवि संतु साहंकारु समालविउ ।
को तुहुं किं नामु किं कज्जिं आगमणु किउ ॥ २॥ तो वच्चइ माणेसरजक्खें महु आएसु दिन्नु सहसक्खें ।
१ C adds इय भविसत्तकहाए पयडियधम्मत्थकाममोक्खाए बुहधणवालकयाए पंचमिफलवण्णणाए कमलसिरिमुनिवयणनिस्सीकरणं णाम अट्ठमो संधी परिच्छेभो ।
