________________
भविसयत्तकहा
अक्खरपंति जेण चिरु दाविय जेण तुम्ह संपय दरिसाविय । तेण पुव्वसंबंधहं पेसिउ साहम्मियवच्छल्लु पयासिउ । निद्दावसरु तुम्ह नउ भंजिउ हउं करि लेवि पयतें तज्जिउ । एहु महु मित्तु अन्नजम्मंतरि अच्छइ पडिउ गरुयदुत्तंतरि । होस जइ वि थाउ परिओसहो तोवि असमत्थु गमणि सहए सहो । बहुघणसहिउ समुज्जलमाणिं परं निव्वड नियदिव्वविमाणि । तं वीसरिउ तोवि महु चित्तहो गउ इत्तर कालु असरतहो । एव्वहिं त पुति मणोरह हुअ सिरि साणुराय जणवल्लह । धत्ता । चड दिव्वविमाणि नयरहो लेवि असंखु धणु ।
तं गरु जाहि पिक्खहि सुहिबंधवसयणु ॥ ३ ॥ एउ चिंतिवि नियमणि परिओसिं सुमरिङ दिव्वविमाणु महेसिं । आयउ धगधगंतु गयणंगणि सुअणि दिट्टु जिनालय पंगणि । सोहइ रणझणंतु किंकिणिरउ घवघवंतु घग्वरयमहारउ । चउदुवारचउपुरयपइन्नउ चै सुमत्तवारणयरवन्नडं । जालगवक्खपक्खपडियक्खहिं विविहविचित्तरूवरइदक्खहिं । नं नियमणिमऊहकय भेयहिं तंज्जइ तरुणतरणितरुतेयहिं । जं केविन खलिज्जइ धेयहो गयणि पवणसंगहपरिछेयहो । जं नियकिरणहिं तिमिरु विहंडइ जं निविसिं भुवणंतरु हिंडई | धत्ता । तं तुंगतवंगु पिक्खिवि पंगणि जिणवरहो ।
रोमंचि अंगु हियवइ फिट्ट भंति नरहो ॥ ४ ॥
तं पिक्खंतु मुअइ मइविंभउ अस्थि किंपि सुहकम्महो संभउ । ias संविहाणुफलु दीसइ लइ मंछुड सुहिसंगमु होस । पणिउं साहिलासु जइ एहउ तो तं करि पडिवन्नियनेहउ । एम तेहिं जंपिवि पियवयणई पुरवरसंगहियई बहुरयणई । तमरयरेणुविणासणसीलाई रिडिविद्धिसुहसंगमलीलई । दिव्वाहरणसारसुपसत्थई मणिकडयई देवंगई वत्थई । नायमुद्दमणिपमुहवरिट्ठद्दं मणि चिंतियई विमाणि बहई | वरपल्लेकसिज्ज संचारिवि चंदप्पहु जिणवरु जयकारिवि । खयरिं भविसयत्तु सर्व्वं पेसिउ म अतुलिपल्लंकि निवेसिउ ।
१ A corrected into चमचमंतवारण २ B तक
६२
