________________
छट्टो सन्धी
सा नियजम्मभूमि सुमरंतर नियजणेरिवच्छल्लु सरंतर । परिचिंतइ परिवड्डियसोएं काई एण महुतणई विहोएं । अच्छइ जणणि कहिंमि दुक्खल्लिय बहुदुज्जणदुव्वयणहिं सल्लिय । जाई सुरु चिंतविउ सुआसई पुत्तजम्मदोहलयपियासई । नवमासहिं नियकुक्खिहिं धरियड पुणु रउरवकालहो नीसरियउ । नियसरीरखीरिं परिपालिउ अणुदिणु पियवयणहिं दुल्लालिउ । ताहि कयाइ न महं किउ चंगउ आयउ दुक्खें पूरिवि अंगउ । एउ चिंतंतु कंतु दुव्वयणउं पिक्खिवि अंसुजलोल्लियनयणउ । सई वत्थंच पियकंतए लुहिय नयण तरलावियनित्तई । धत्ता । नीसासु मुवि किउ विच्छायउ मुहकमलु । संभरि कुटुंब ताए वि नयणिहिं मुक्कु जलु ॥ १२ ॥ अवरुप्परु पक्खालिय नयणई अवरुप्परु जंपिवि पियवयणहं । अवरुप्परु नियमणु साहारिउ सोयमहाजलि अप्पर तारिउ । भाई कुमारु पवडिय मंगलि पिए महु जम्मभूमि कुरुजंगलि । हत्थिनायपुरि पुहइपसिद्ध पहु भूवालनरिंद समिद्धउ । धणवह नाउं जणणु अम्हारउ नरवरिंदपरिवारपियारउ । मायरि कम्वल सुअणदिहिगारी हरिबलदुहिय सासु तुम्हारी । सइ चारित्तसीलसंपुन्नी लच्छिहिं तणई अंगि उप्पन्नी । अणुवि बंधु महु दाइउ तेण समाणु वणिजें आयउ । मिलियई पंचसय वोहित्थई वेलाउलेहिं चडिवि उत्तित्थई । दुव्वाएं उल्लूरिवि भग्गइं गिरिमयणायरदीवि उवलग्गई । घत्ता । हउं तेण छलेण दुट्ठसवत्तिहिं मच्छरिण ।
वणि वंचिवि मुक्कु दुन्नयदोसपरंपरिण ॥ १३ ॥
सो खलु बंधुयत्तु महं मिल्लिवि अप्पुणु गउ वोहित्थई पिल्लिव | हमि तित्थु वणगहणु भमेष्पिणु अहमुत्तयमंडवि निसि नेप्पणु । गिरिकंदरि सो विवरि पट्ठउ तं लंघिवि पुरु इउ मई दिउ । धणकंचणसमिडु जणवज्जिउ तं पिक्खंतु भमिउं अपरजिउ । दिट्टु सयलु धुयधयमालाउलु सालंकारु सगेहु सराउलु । चंदप्पहजिणभवणि पवन्नउं जिणु अंचिवि सुहसयणि निसन्नरं । अक्खरपंति लिहिय तहिं दिट्ठी पंचमि गेहि ताई तुहुं सिट्ठी ।
४३
