________________
५२
भविसयत्तकहाए अहो नरिंद महु मणु संघट्टइ खलइ बुद्धि रणरणउं विसइ । बिनिवि सुय घल्लिय परएसहो मंच्छुड्डु हउं भायणु हुउ अयसहो । विहिं तिहिं वरिसिहिं सत्थु परावइ एत्तिउ कालु न कोवि चिरावइ । गयवइयहिं वणिवरवरपत्तिहिं उम्माहउ रणरण वहंतिहिं। घरि घरि नियकम्मइं परिचत्तई घरि घरि ओवाइयई पउत्तई। जे जे सामुहिय वाणिजिय ते ते कोकिवि राएं तन्जिय । अहो तुम्हइं न सुणिउं देसंतरि वोहित्थियहं पमाउ जलंतरि ।
पुच्छिजंतु विनायरलोयहिं पर सिरु धुणहिं वयणु अवलोयहिं । घत्ता । नायरहं सएहिं पुच्छिय पहि पंथियहं सय।
पर सिरु विहुणंति को वि न जाणई कहिंमि गय ॥९॥ विदाणउं मुहकमलु सरूवहिं नियचरियहि अप्पं परिहूयहिं । हा विहि मई सिक्खविउ विरूवउ मंच्छुडु महुमि अंगि संभूअउ । परहो सरीरि पाउ जो भावइ तं तासइ वलेवि संतावइ। वदृइ असरणु कालु पउत्थहो दुकरु किंपि कुसलु तहो सत्थहो । किं समुद्दि वोहित्थई फझिवि वोइय सलिलि सयल आवटिवि। किं महुतणउं वयणु मणि बुज्झिवि मुअ बिन्निवि अवरुप्परु जुज्झिवि । नियदुच्चरिय सयलु मणि भावइ अण्णु वि सुअविओउ संतावइ ।
ताहिं वि दुक्खु जाउ विउणारउ दुकहणीउ गुज्झु विरुआरउ । घत्ता । पुरि अन्भरहुल्लु सरससहाउ सणेहवउ ।
खेड़े णई केम नंदणु हत्थावारगउ ॥१०॥ एत्थंतरि अच्छरियपहाणउं तिलयदीवि संचरिउ कहाणउं । तहिं वरनयरि वियणि निवसंतहो इच्छियकामभोय भुंजंतहो। एक्कहिं दियहिं पगुणगुणवंतए वुच्चइ भविसयत्तु नियकंतए। नाह तइउ मई नउ पैरियाणिउं एत्तिउ कालु कहिंमिनउं पुच्छिउँ । थिय चिंतंति सुइरु वंच्छिब्वइ अवसरु कहिंमि न हुउ पुच्छिन्वइ । कवणु देसु जहिं तुहं उप्पन्नड कवणु नयर सुरसिरिसंपुनम् ।
राणउं कवणु तित्थु दिहिगारउ कवण जणणि पिउ कवणु तुहारउ । धत्ता । तं निसुणिवि तेण णियसहएसहो संचरिउ।।
जलु नयणिहिं मुकु हियवउ कलुणसरहो भरिउ ॥ ११ ॥ १ B आम्वर २ B परियच्छिउ ३ B वंचेव्वउ
