________________
२६
भविसयत्त हाए
धत्ता । दुत्तरु दुर्लघु दूरंतरिउ ताम जाम संचरहिं णेउ ।
भणु काई ण सिज्झइ सउरिसहो अवगण्णंत मरणभउ ॥ ५ ॥ सुहिसयण मरणभाउ परिहरेवि अहिमाणु माणु पउरिसु सरेवि । सत्तक्खर अहिमंतणु करेवि चंदप्पहु जिणु हियवह धरेवि । गिरिकंदर विवरि पड्डु बालु अंतरिउ णाई काले कालु । संचरइ बहलकज्जलतमालि णं जिउ वामोहतमोहजालि । सेइड णिरुद्ध पवणुच्छवेण बहिरिउ पमत्तमहुअररवेण । चिंतिउ अचिंतणिइवसेण कंटइड असमसाहसरसेण । अणुसरह जाम थोवंतरालु तं णयरु दिट्टु ववगयतमालु । चउगोउरचउपायारसारु चउधवलपओलिदुवारफारु । मणिरयणकंतिकब्बुरयदेहु सियकमलधवलपंडुरियगेहु । धत्ता । तं तेहउ धणकंचणपउरु दिह कुमारिं वरणयरु ।
सियवंतु वियणु विच्छायछवि णं विणु णीरिं कमलसरु ॥ ६ ॥ तं पुरं पविस्समाणएण तेण दिट्ठयं तं ण तित्थु किंपि जन्न लोयणाण इट्ठयं । वाविकूवसुप्पहूवसुप्पसण्णवण्णयं मढविहार देहुरेहिं सुहु तं रवण्णयं । देवमंदिरेसु तेसु अंतरं नियच्छए सोण तित्थु जो कयाइ पुजिऊण पिच्छए । सुरहिगंधपरिमलं पसूअएहिं फंसए सो ण तित्थु जो करेण गिण्हिऊण
वासए ।
पराणए ।
पिकसा लिघण्णयं पणट्ठयम्मि ताणए सो ण तित्थु जो घरम्मि लेवि तं सरवरम्मि पंकयाइं भमिरभमरकंदिरे सो ण तित्थु जो खुडेवि णेइ ताई मंदिरे | हत्थ गिज्झवरफलाई विभएण पिक्खए केण कारणेण को वि तोडिउं ण भक्खए । पिच्छिऊण परधणाई खुब्भए ण लुग्भए अप्पणम्मि अप्पए वियप्पए सु चितए । पुत्तिचज्जु पहणं विचित्तबंधबंधयं वाहिमिच्छतंजणं दुरक्खसेण खड्यं । पुत्तिचोज्जु राउलं विचित्तभंगिभंगयं आसि इत्थु जं पहुं ण याणिम
कह गयं ।
१ A मउ २ B दिउहरेहि
