________________
चउत्थो सन्धी
२७
पुत्तिचोज्जु कारणं ण याणिमो असंहमं एक्कमित्तएहिं कस्स दिजए
सुविन्भमं। घत्ता । विहुणियसिरु भरडक्खियलोयणु पई पई विभइ अणिमिसजोअणु ।
णवतरुपल्लवदलसोमालउ हिंडइ तित्थु महापुरि बालउ ॥७॥ पिक्खइ मंदिराई फलअडुग्घाडियजालगवक्खई। अडपलोयराइणं णववहुणयणकडक्खई। अह फलहंतरेण दरिसियगुज्झंतरदेसई। अद्धपयंधियाई विलयाण व ऊरुपएसई। पिक्खइ आवणाई भरियंतरभंडसमिडइं। पयडियपण्णयाई णं णाइणिमउडई चिंधई। एक्कधणाहिलासपुरुसाइव रंधिपलित्तई। वरइत्तजुवाणई णं वड्डकुमारिहु चित्तई । जोएसरविवायकरणाई व जोइयथंभई । विहडियणेसणाई मिहुणाण व सुरयारंभई । पिक्खइ गोउराइं परिवजियगोपयमग्गई। पासायंतराइं पवणुडुअधवलधयग्गई। जाई जणाउलाई चिरु आसि महंतरभवणई । ताइंमि णिज्झुणाई सुरवइसम्मत्तई मिहुणइं। जाई णिरंतराई चिरु पाणियहारिहु तित्थइ ।
ताई वि विविहिवसेण हुअई णीसहसुदुत्थइ । घत्ता । सियवंतणियाणई णिइवि तहो उम्माहउ अंगई भरइ।
पिक्खंतु णिययपडिबिंबतणु सण्णिउं सण्णिउं संचरह ॥८॥ भमइं कुमार विचित्तसरुवें सव्वंगिं अच्छेरयभूएं। हा विहि पट्टणु सुटुरवण्णउं किर कजेण केण थिउ सुण्णउं । हट्टमग्गु कुलसीलणिउत्तहिं सोह ण देइ रहिउ वणिउत्तहिं। टिटाउत्तएहिं विणु टिंटउ णं गयजोव्वणाउ मयरहउ।। वरघरपंगणेहिं आहोयई सोह ण दिति विवज्जियलोयई।
सो वरणइंमि रसोइपएसई विणु सज्जणहिं णाई परदेसई । १ B जोव्वणि मयणपरहर
