________________
तीओ सन्धी।
२३
जोइवि कहइ को वि अज वि ण कोविच्छेड णत्थि तुम्ह भाय । तं सुणिवि तेण बहुमच्छरेण वावरिउ अइरउद्दु ।।
अवलोइउ खरेण कडुअक्षरेण तजिवि णिययविंदु । घत्ता । आएसिउ भिउडिभयंकरिण उच्चलहो मुग्गरघणई।
तंडवहो पवणधयवडई खणु वि म धरहु पओहणई ॥ २४ ॥ अहो लोयहो महु आएस माणु धरि अत्थि किंपि माणाहिमाणु । न करिव्वउ इत्थु वियारु को वि संचलहु तुरिय वोहित्थ लेवि । तं सुणिवि तेवि कलुणइ सुमीस करयल मलंति विहुणंति सीस । हा बंधुयत्त पई काई वुत्तु सप्पुरिसहं कहिंमि ण एउ जुत्तु । उप्पण्णु जइ वि परिहउ गहीरु घाइजइ तो वि ण नियसरीरु। इह रत्तिपरत्तिवि अहियदोसु विसहिव्वउ कह दुव्वयणघोसु। तं वयणु सुणिवि कोवग्गिदित्तु पन्जलिउ णाई हवि घिएण सित्तु । णवि मुणहुं सवत्तिविरोहु अम्ह अणिउत्तहं को वावारु तुम्ह ।
लइ करहु तास जलजंतकम्मु पच्छइ चिंतिजहु परमधम्मु । घत्ता । तं वयणु सुणिवि णायरजणहु नं सिरि वजदंड पडिउ।
वोहित्थई लेवि दुरासि खलु गहिरमहासमुद्दि चडिउ ॥२५॥ पमुक्के कुमारे दुरायारिएहिं अमोहे जलोहे वहंतेहिं तेहिं । थियं विभियं तं वणिंदाण विंदं वियप्पाउरं करयलुग्गिण्णमुदं । अहो सुंदरं होइ एयं ण कजं अगम्म पि गंतूण खद्धं अखज्ज । गयं णिप्फलं ताम सव्वं वणिज्ज हुवं अम्ह गोत्तम्मि लज्जावणिज । ण जत्ता ण वित्तं ण मित्तं ण गेहं ण धम्म ण कम्मं ण जीयं ण देहं । ण पुत्तं कलत्तं ण इ8 पि दिलं गयं गयउरे दूरदेसे पइडं। खयं जाइ नूणं अहम्मेण धम्मं विणतुण धम्मेण सव्वं अकम्मं । कयं दुक्कियं दोहएणं हएणं सुहायारभटेण दुढेण एणं ।
अणिटुं कणिर्ट भुअं सप्पहाएं समुद्दे रउद्दे खयं तुम्ह जायं । घत्ता। सो णस्थि विसूरिउ जेण णवि तं पिक्खेविणु दुचरिउ। धणवइ विणिरोहायामुगउ इत्थु विचि विभयभरि ॥ २६ ॥
तृतीयः सन्धिः
-
१B फुडु २ Cadds इय भविसत्तकहाए पयडियधम्मत्थकाममोक्खाए । बुहथणवालकयाए पंचमीफलवणणाए तीओ सन्धी परिच्छेओ सम्मत्तो॥
