________________
શ્રી પાર્શ્વનાથ પરમાત્માનું સ્તવન
૧૬૯ આજ મારો મનુષ્યજન્મ સફળતાને પામ્યો. દેવોમાં ચંદ્રમા સમાન એવા ત્રેવીસમા શ્રી પાર્શ્વનાથ પ્રભુને ભાવપૂર્વક હું ભેટ્યો, તથા ભક્તિના સમૂહથી ભરેલા ચિત્તને પરમાત્માના ગુણો ગાવામાં રમાડ્યું. જેથી મારા આત્માની સાર્થકતા થઈ. ૮ |
વિવેચનઃ- આજે જે વેલાએ મારો આત્મા પરમાત્માની ભક્તિમાં પરિણામ પામ્યો ત્યારે જ હું કૃતપુણ્ય બન્યો એટલે કે પુણ્યોદય વાળો થયો મારાં ધનભાગ્ય અને ધન્યઘડી થઈ. મારો આજનો દિવસ પણ ધન્ય બન્યો. કે જે દિવસે જિનેશ્વર પ્રભુની ભક્તિથી રંગાયેલો અધ્યવસાય આ જીવમાં પ્રગટ થયો.
તથા મારો નરજન્મ એટલે કે મનુષ્યનો ભવ પણ સફળતા વાળો બન્યો કે મેં નિરાગી, નિઃસ્પૃહી, પરમગુણી, સર્વજ્ઞ, સર્વદર્શી, એવા જે દેવ વીતરાગ પરમાત્મા ત્રેવીસમા શ્રી પાર્શ્વનાથ પ્રભુ, તેમને હું ભેટ્યો, મેં તેઓને વાંદ્યા, સ્તવ્યા, તેઓના ગુણ ગાયા તથા તેઓની ભક્તિને વિષે મેં મારું ચિત્ત રમાડયું જોડ્યું.
તેનાથી વીતરાગ પરમાત્મા સાથે મારું એકીકરણ કરવાથી મેં પૌદ્ગલિકભાવોની રમણતા ત્યજી, શ્રી અરિહંતપરમાત્માના ગુણોની રમણતામાં મનને રમાડ્યું, જે દિવસે હું પરમાત્માની ભક્તિમાં એકાકાર બન્યો છું. મારો તે જ દિવસ કૃતાર્થ છે. કૃતપુણ્ય છે. સફળ છે. આ જ દિવસ લેખામાં ગણાય તેવો છે. | સર્વ દેવોમાં ચંદ્રમા સમાન ત્રેવીસમાં પાર્શ્વનાથ પરમાત્માને વાંદ્યા. અથવા સ્તુતિકર્તા શ્રી દેવચંદ્ર મુનિ, તેમણે આવો લાભ પ્રાપ્ત કર્યો. | ૮ ||
| ત્રેવીસમા શ્રી પાર્શ્વનાથ પરમાત્માના સ્તવનના અર્થો સમાપ્ત થયા છે. |
