________________
૧૬૮
શ્રી દેવચંદ્રજી કૃત ચોવીશી ભાગ: ૨ આ ખંભાત નગરમાં સુખસાગર પાર્શ્વનાથ પરમાત્માનાં દર્શન કરતાં કરતાં વિકસિત હર્ષ ઘણો જ વિકસ્વર થયે છતે આ આત્મામાં ઘણો ઉત્સાહ વધ્યો. આ જ કારણે શ્રી અરિહંત પરમાત્મા પાર્શ્વનાથ પ્રભુ, તેમની સાથે એકત્વપણે એકાકારપણે સ્તવન રચનાર કર્તા શ્રી દેવચન્દ્રજી મહારાજશ્રી અત્યન્ત રાગે રમ્યા અધ્યાત્મદશામાં લયલીન બન્યા.
અતિશય રાગી પરિણામ થવાથી સિદ્ધિદશા એટલે કે મુક્તિસ્થાન, તેનું સાધકપણું આ આત્મામાં જ છે. આવું અનુમાન મેં કર્યું. પ્રભુ પ્રત્યેના રાગપૂર્વક બીજાં કોઈ સંસારસુખના હેતુભૂત અનુષ્ઠાન જેમાં નથી. તથા સાંસારિક કોઈ પણ જાતની જેમાં આશંસા નથી. આ રીતે આ દર્શન મારા આત્મામાં પરિણામ પામ્યું છે તેથી હું અનુમાન કરીને જાણું છું કે આ જીવ મુક્તિસુખ નીપજાવવાની યોગ્યતાવાળો બન્યો જ છે માટે મેં આવું અનુમાન કર્યું છે.
આજે (જે દિવસે આ સ્તવન રચાયું તે દિવસે) ખંભાત નગરમાં શ્રી સુખસાગર પાર્શ્વનાથ પરમાત્માને હું એવા ભાવથી ભેટ્યો છું. તે દિવસે મારું સિદ્ધિનું સાધકપણું મેં સાધ્યું. અર્થાત્ મને એમ લાગે છે કે હવે મારી સિદ્ધિ થોડાક જ ભવોમાં થોડાક જ કાળમાં અને થોડાક જ દિવસોમાં અવશ્ય થશે જ. || ૭ ||
આજ કૃતપુણ્ય ધન્ય દહ મારો થયો, આજ નરજન્મ મેં સફળ ભાવ્યો, II દેવચંદ્ર રવામી ત્રેવીસમો વંદીયો,
ભક્તિભર ચિત્ત તુજ ગુણ રમાવ્યો. || ૮ || ગાથાર્થ :- સ્તવનકાર શ્રી દેવચંદ્રજી મહારાજશ્રી કહે છે કે :આજે મારો દિવસ પરમ પુણ્યોદયે ધન્ય બન્યો, હું કૃતપુણ્ય થયો.
