________________
(ચોવીસમા શ્રી મહાવીરસ્વામી પરમાત્માનું સ્તવન)
તાર હો તાર પ્રભુ મુજ સેવક ભણી, જગતમાં એટલું સુજસ લીજે II દાસ અવગુણ ભર્યો જાણી પોતાતણો,
દયાનિધિ દીનપર દયા કીજે | ૧ || ગાથાર્થ :- દયાનિધિ હે મહાવીર સ્વામી પરમાત્મા ! મને તારો, મને આ સંસારસાગરથી તારો, જગતમાં આટલો (બીજાને તારવાનો) સુયશ અવશ્ય આપશ્રીએ લેવો જોઈએ, દાસ એવો હું તો અવગુણોથી જ ભરપૂર ભરેલો છું તો પણ હું તમારો પોતાનો દાસ છું. એમ જાણીને હે દયાનિધિ ! પરમાત્મા, દીન એવા આ સેવક ઉપર જરૂર દયા કરો. જરૂર દયા કરજો. || ૧ ||
વિવેચન - જૈન આગમોનો અભ્યાસ હોવાથી સેવક આત્માને એવો ખ્યાલ આવે છે કે મારા આત્મામાં પણ વીતરાગ પરમાત્મા જેવી જ અનંતગુણોની શક્તિ સત્તાગત છે જ. ફક્ત મારી તે શક્તિ, સંસારમાં પરિભ્રમ કરાવનારાં એવાં જ્ઞાનાવરણીયાદિ કર્મોથી આવૃત થયેલી છે. અર્થાત્ ઢંકાયેલી છે. બાકી મારામાં પણ સિદ્ધ પરમાત્મા જેટલા જ ગુણો ભરેલા છે.
અનાદિકાળથી પરભાવદશાની અનુસંગતાના કારણે જ હું દુઃખી દુઃખી થયો છું. ઉદ્વેગ પામેલો છું અર્થાત્ સંસારીભાવોથી થાકેલો એવો મારો તે આત્મા પોતામાં જ પોતાની સાધકતા શક્તિ છે. પરંતુ તેને ન દેખતો એવો આ સાધક આત્મા પરમ નિર્ધામક સમાન એવા ચોવીસમા ભગવંત શ્રી મહાવીર સ્વામીના ચરણ કમળનો આશ્રય સ્વીકારીને શ્રી વિરપ્રભુની આગળ પોતાની ભક્તિપૂર્વકની પ્રાર્થના કરવા સાથે વિનંતિ કરે છે કે :
