________________
શ્રી નેમિનાથ પરમાત્માનું સ્તવન
૧૫૩
છે ધીરે ધીરે આશ્રવભાવ નાશ પામે છે. નવા નવા કર્મો બાંધવા રૂપ વિષય વિકારોની વાસના ઢીલી પડે છે અને ધીરે ધીરે ખતમ થઈ જાય છે આ રીતે અશુદ્ધ પરિણતિ દૂર થાય છે જીવમાંથી નીકળી જાય છે.
તથા વળી પ્રશસ્તરાગી એવો જીવ તે ગુણીનું અવલંબન લેતો છતો તેનાથી પોતાના ગુણોની પ્રગટતા સાધે છે. ગુણોનું અવલંબન લેતો છતો આ આત્મા સ્વગુણોની સાથેના આલંબનથી સંવરભાવની પરિણતિમાં વૃદ્ધિ પામે છે. તેમ કરતાં પૂર્વે બાંધેલાં સત્તામાં રહેલાં સર્વે પણ કર્મોનો નાશ કરવા રૂપ નિર્જરા તત્ત્વની સિદ્ધિ કરે છે.
સંવર નિર્જરાને સાધતો અને આશ્રવભાવોને અટકાવતો એવો આ જીવ આત્માના શુદ્ધ એવા ભાવધર્મને પ્રગટ કરે છે અને પોતાના અરૂપીપણાને તથા કર્મરહિત અવસ્થાને પણ પ્રાપ્ત કરે છે. આ રીતે આ આત્મા કર્મોના આવરણોથી રહિત બને છે. II ૫ |
નેમિપ્રભુ ધ્યાને રે એકત્વતા 1 નિજતત્ત્વે એક તાનો જી || શુકલ ધ્યાને રે સાધી સુસિદ્ધતા। લહીએ મુક્તિનિદાનો જી દ્રા
ગાથાર્થ :- શ્રી નેમિનાથપ્રભુનું ધ્યાન કરવાથી ૫રમાત્માની સાથે એકાગ્રતા સાધીને આ આત્મા પોતાના આત્મતત્ત્વની સાથે તન્મય થાય છે. એમ કરતાં કરતાં શુક્લધ્યાન મેળવીને ઉત્તમ સિદ્ધતા સાધીને આ જ આત્મા મુક્તિદશાની અસાધારણ કારણતાને પ્રાપ્ત કરે છે. (જેનાથી મુક્તિની સિદ્ધિ થાય છે.) ॥ ૬ ॥
વિવેચન :- રાજીમતીજી મનમાં વિચારે છે કે શ્રી નેમિનાથ જિનેશ્વર પરમાત્માનું જ અવલંબન લેવું જરૂરી છે. કારણ કે નેમિનાથપ્રભુનું ધ્યાન કરતાં કરતાં તેમની સાથે એકાગ્રતા (તન્મતા) સાધીને જ્યારે એકપણું આ જીવ પ્રાપ્ત કરે છે ત્યારે મોહરાજાનો ક્ષય કરીને શ્રેણી ઉપર આરોહણ કરવા દ્વારા શુક્લધ્યાન પ્રાપ્ત કરીને
