________________
શ્રી દેવચંદ્રજી કૃત ચોવીશી ભાગ ૨ આ પરમાત્મા જ પરમોત્તમ પુરુષ છે. સર્વગુણોના ભોગી છે પોતે નિરાલંબની છે. અનંત ચિન્મય છે. અનંત દાન અનંત લાભ અનંતભોગ, અનંત ઉપભોગ અને અનંતવીર્ય ઇત્યાદિ ગુણમય છે.
તથા વળી આ વીતરાગ પરમાત્મા કર્મવિનાના પરમદેવતત્ત્વ સ્વરૂપ છે પરભાવના અકર્તા, પરભાવના અભોક્તા, પરાનુયાયિતા વિનાના, સર્વગુણસંપન્ન છે. આવા દેવનું જેણે શરણ લીધું છે તેની સામે મોહરાજાનું જોર શું ચાલે? અર્થાત્ મોહરાજાનું જોર જરા પણ ન ચાલે.
આવા પ્રકારના વીતરાગના શરણે આવેલા જીવને સંસાર પણ શું કરે? ન જ ડુબાડી શકે, કર્મરાજાની બીક પણ કેમ હોય? કર્મ રાજા પોતે જ આવા જીવથી ડરતો હોય દૂર ભાગતો હોય. શ્રી પરમોત્તમ પુરુષ મેં આદર્યો છે. તેમને મેં સ્વામી ર્યા છે. હું તેમનો ભાવથી સેવક બન્યો છું એટલે હવે મારે થોડી પણ ચિંતા નથી. મારો મોક્ષ અવશ્ય અલ્પકાળમાં જ થવાનો છે. મારી બધી ચિંતા પરમાત્માને જ છે શરણે આવેલાને સાચવવા તે મોટાની જવાબદારી છે હું તો સર્વથા નિશ્ચિત છું. હે પરમાત્મા હું તમારા ખોળામાં જ બેઠો છું હવે મને મોહરાજાની કે કષાયોથી લુટાવાનો ભય રહ્યો નથી. કારણ કે મને સાચવનારા હે પ્રભુ ! તમે છો. // ૧૪ |
અર પ્રભુ પ્રભુતા રંગ, અંતર શક્તિ વિકાસી ! દેવચંદ્રને આણંદ, અક્ષયભોગ વિલાસી ૧પ
ગાથાર્થઃ- જે સાધક આત્મા અરનાથ પરમાત્માના રંગે રંગાયા છે તે આત્મા પોતાની અંદરના ગુણોની શક્તિનો વિકાસ સાધીને, દેવોમાં ચંદ્રમા સમાન પરમાત્માને જે આત્મગુણનો આનંદ છે તે આનંદ તથા ક્યારેય ક્ષય ન પામે તેવો ગુણોના ભોગનો વિલાસ પ્રાપ્ત કરે છે. તે ૧૫ |
