________________
आचार्यश्रीअभयदेवसूरिविरचितटीकासहिते समवायाङ्गसूत्रे मत्तंगया य भिंगा, तुडियंगा दीव जोइ चित्तंगा । चित्तरसा मणियंगा, गेहागारा अनियणा य ।।४।। २।
[३] इमीसे [णं रयणप्पभाए पुढवीए अत्थेगतियाणं नेरइयाणं जहणणेणं दस वाससहस्साई ठिती पण्णत्ता १। 5 इमीसे णं रयणप्पभाए पुढवीए अत्थेगतियाणं नेरइयाणं दस पलिओवमाई ठिती पण्णत्ता ।
चउत्थीए पुढवीए दस निरयावाससतसहस्सा पण्णत्ता ३। चउत्थीए पुढवीए नेरइयाणं] उक्कोसेणं दस सागरोवमाई ठिती पण्णत्ता ४।
पंचमाए पुढवीए [नेरइयाणं] जहण्णेणं दस सागरोवमाइं ठिती पण्णत्ता ५। 10 असुरकुमाराणं देवाणं जहणणेणं दस वाससहस्साई ठिती पण्णत्ता ६।
असुरिंदवज्जाणं भोमेज्जाणं देवाणं जहण्णेणं दस वाससहस्साई ठिती पण्णत्ता ७।
असुरकुमाराणं देवाणं अत्थेगतियाणं दस पलिओवमाइं ठिती पण्णत्ता ८। बादरवणप्फतिकाइयाणं उक्कोसेणं दस वाससहस्साई ठिती पण्णत्ता ९। वाणमंतराणं देवाणं जहण्णेणं दस वाससहस्साई ठिती पण्णत्ता १०।
सोहम्मीसाणेसु कप्पेसु अत्थेगतियाणं देवाणं दस पलिओवमाई ठिती पण्णत्ता ११॥ बंभलोए कप्पे देवाणं उक्कोसेणं दस सागरोवमाइं ठिती पण्णत्ता १२।
लंतए कप्पे देवाणं जहण्णेणं दस सागरोवमाइं ठिती पण्णत्ता १३। 20 जे देवा घोसं सुघोसं महाघोसं नंदिघोसं सुस्सरं मणोरमं रम्मं रम्मगं रमणिजं मंगलावतिं बंभलोगवडेंसगं विमाणं देवत्ताते उववण्णा तेसि णं देवाणं उक्कोसेणं दस सागरोवमाई ठिती पण्णत्ता १४।
[४] ते णं देवा दसण्हं अद्धमासाणं आणमंति वा पाणमंति वा ऊससंति वा नीससंति वा १। तेसि णं देवाणं दसहिं वाससहस्सेहिं आहारट्टे समुप्पजति 25 २।
15
