________________
आचार्य श्री अभयदेवसूरिविरचितटीकासहिते समवायाङ्गसूत्रे
पणुवी
मिच्छादिट्ठिविगलिंदिए णं अपज्जत्तए संकिलिट्ठपरिणामे णामस्स कम्मस्स उत्तरपगडीओ णिबंधति, तंजा- तिरियगतिणामं, वियलिंदियजातिणामं, ओरालियसरीरणामं, तेयगसरीरणामं, कम्मगसरीरणामं, हुडसंठाणणामं, ओरालियसरीरंगोवंगणामं, सेवट्टसंघयणणामं, वण्णनामं, 5 गंधणामं, रसणामं, फासणामं, तिरियाणुपुव्विणामं, अगरुलहुनामं, उवघातणामं, तसणामं, बादरणामं, अपज्जत्तयणामं, पत्तेयसरीरणामं, अथिरणामं, असुभणामं, दुभगणामं, अणादेज्जणामं, अजसोकित्तीणामं, निम्माणणामं २५ | ६|
गंगा - सिंधूओ णं महाणदीओ पणुवीसं गाउयाणि पुहत्तेणं दुहतो 10 घडमुहपवत्तिएणं मुत्तावलिहारसंठितेणं पवातेणं पवडंति ७।
रत्ता-रत्तवतीओ णं महाणदीओ पणुवीसं गाउयाणि पुहत्तेणं जाव पवातेणं पवडंति ८
८८
लोगबिंदुसारस्स णं पुव्वस्स पणुवीसं वत्थू पण्णत्ता ९।
[२] इमीसे णं रतणप्पभाए पुढवीए अत्थेगतियाणं नेरइयाणं पणुवीसं 15 पलिओ माई ठिती पण्णत्ता १ ।
असत्तमाए पुढवीए अत्थेगतियाणं नेरइयाणं पणुवीसं सागरोवमाई ठिती
पण्णत्ता २।
असुरकुमाराणं देवाणं अत्थेगतियाणं पणुवीसं पलिओवमाइं ठिती
पण्णत्ता ३।
20
सोहम्मीसाणेसु कप्पेसु अत्थेगतियाणं देवाणं पणुवीसं पलिओवमाइं ठिती
पण्णत्ता ४|
मज्झिमहेट्ठिमगेवेज्जाणं देवाणं जहणणेणं पणुवीसं सागरोवमाई ठिती
पण्णत्ता ५।
जे देवा हेट्ठिमउवरिमवेज्जगविमाणेसु देवत्ताते उववण्णा तेसि णं देवाणं 25 [उक्कोसेणं ] पणुवीसं सागरोवमाई ठिती पण्णत्ता ६ ।
