________________
શ્રાવકના પાક્ષિકાદિ અતિચાર
અર્થ સહિત
પ્રસ્તાવના
જેણે શ્રાવકજ્યોગ્ય બાર વ્રત ગ્રહણ કર્યા હોય તે જ ખરી રીતે શ્રાવક કહેવાય, બીજા સામાન્ય રીતે બાર વ્રત લેવાની ઈચ્છાવાળા જૈન બંધુઓને પણ શ્રાવક કહી શકાય. શ્રાવકને બાર વ્રતમાં જે કાંઈ અતિચાર એટલે દોષ લાગ્યા હોય તેના નિવારણ માટે ખાસ કરીને અતિચારને ઓળખવાનીસમજવાની જરૂર છે. તે સમજ્યા વિના આલોવી શકાય નહીં, તેથી તે વિસ્તારથી કહેવાની જરૂર છે, કે જે સાધન હાલના અતિચારે પૂરું પાડેલ છે. વ્રતોના અતિચાર જાણ્યા અગાઉ પાંચ આચાર જાણવાની અને તેના અતિચારો પણ સમજવાની જરૂર છે. વ્રતના અતિચારોનો ચારિત્રાચારના દેશવિરતિ વિભાગમાં સમાવેશ થતો હોવાથી પ્રથમ જ્ઞાનાચાર, દર્શનાચાર ને વિશિષ્ટ ચારિત્રાચારના અતિચારો કહી તે પછી શ્રાવકના બાર વ્રતના અતિચાર કહેવામાં આવ્યા છે. તેના પ્રારંભમાં મૂળ વિના વૃક્ષ ટકી શકે નહીં તેટલા માટે વ્રતોના
