________________
મૂળ પુસ્તક
આભાર દર્શન...
શ્રી રૂપવિજયજી ગણિવર
પંડિતશ્રી પદ્મવિજયજી અમદાવાદના રહીશ હતા. સં. ૧૭૯૨માં તેમનો જન્મ થયો હતો. સં. ૧૮૦૫માં દીક્ષા લીધી હતી. સં. ૧૮૧૦માં વિજ્ય ધર્મસૂરિજીએ રાધનપુરમાં તેમને પંડિતપદ આપ્યું હતું. તે ૧૮૬૨ માં સ્વર્ગે ગયા હતા.
એમના શિષ્ય શ્રીમાન રૂપવિજયજી ગણિવર હતા. એમના જીવન સંબંધી કોઈ ખાસ હકીકત જાણવા મળતી નથી. છતાં તેઓ વિદ્વાનોને માનવા યોગ્ય, ક્રિયાપાત્ર, તપસ્વી તેમજ જૈન શાસનના આભૂષણરૂપ મનાય છે. એમની અનેક કૃતિઓ - પૂજાઓ વગેરે મળે છે. તેઓ શ્રી આ પુસ્તક પૃથ્વીચંદ્ર ગુણસાગર કાવ્યના રચિયતા છે. પૂર્વાચાર્યે રચેલુ આ કાવ્ય, તેનો ઉદ્ધાર કરી આધુનિક અલ્પબુદ્ધિવાળા જીવોને ઉપયોગી થાય તેવી સરળ ગદ્ય તથા પદ્ય ભાષામાં બનાવી સંવત ૧૮૮૨ની સાલમા તેમણે અમદાવાદમાં પૂર્ણ કર્યું હતું.
લેખક
મણીલાલ ન્યાલચંદ શાહ
