________________
164
શ્રી પૃથ્વીચંદ્ર - અને ગુણસાગરનું સરલ - ચરિત્ર
માટે આ દુઃખપૂર્ણ સંસારમાં હવે વધારે આત્માને ડૂબાડવો નથી.” મિત્રને સાંભળી હરિવેગ બોલ્યો, “હે મિત્ર ! મારી ઇચ્છા પણ ઘણા કાળથી સંયમ પ્રહણ કરવાની છે. પણ તમારો સ્નેહ મને રોકે છે.”
સંયમની ભાવનાવાળા બંનેએ પોતપોતાના પુત્રને રાજ્યપદે સ્થાપન કરી રત્નાકરસૂરિ ગુરુ પાસે દીક્ષા ગ્રહણ કરી. અનુક્રમે બાર અંગને જાણનારા થયા. તેમનું ચારિત્રપાલન મોટા મહર્ષિઓને પણ અનુસરવા યોગ્ય થયું. અંત સમયેઆ બંને મહામુનિઓએ સંલેખના કરી અનશન કરી દીધું. પાપની આલોચના કરતા અને પરમેષ્ટિના ધ્યાનમાં મગ્ન રહેલા તેમણે આયુષ્ય પૂર્ણ કરી મધ્યમ રૈવેયકે મિત્રદેવ થયા. પદ્યોત્તર રાજા અને હરિવેગ વિદ્યાધરેન્દ્ર પોતાના અપૂર્વ ચારિત્રના પ્રભાવથી ઇન્દ્રના સામર્થ્ય પણાને પ્રાપ્ત થયા.
