________________
૧ ૧૮૧ ?
ઉપાય અજમાવીએ? પ્રસાદને કરી અમને આદેશ આપે. વળી પરમકારૂણિક દુસહ દુઃખરૂપી સમુદ્રમાંથી ઉત્પન્ન થયેલી વિપાકરૂપી લહરીઓથી આમતેમ અથડાતા અમને દ્વીપની જેમ તમે પ્રાપ્ત થયા છે. આપ જ માતા ! આપ જ પિતા ! આપ જ ગુરુમાતા ! સ્વામી! બંધુ! બીજું શું કહું? આપ જ સર્વસ્વ છે. અમને ઉચિત માર્ગમાં લઈ જવા આપ જ સમર્થ છે.
મહાદુઃખી તેઓના કરૂણામય વચનથી વિશેષ ઉત્સાહિત થયેલા મુનિભગવંતે કહ્યું. એકાગ્ર મને તમે સાંભળો. હવે મુનિભગવંત તેમના પૂર્વભવને અનુલક્ષીને કથા રજૂ કરતાં જણાવે છે કે–
વિજયરૂપી પતાકાથી સુશોભિત, મહાપ્રાસાદરૂપી શિખરોથી ગગનાં ગણને ઢાંકી દેતુ, ઋદ્ધિથી કુબેરભંડારીને પણ તિરસ્કાર કરનારા શ્રેષ્ઠિઓથી ભરપૂર, પ્રતિદિન નવ નવા આશ્ચર્યોથી સહિત, દેવાથી વાસિત, સુરપુર સરખુ વસંતપુર નામનું નગર છે. ત્યાં પરાક્રમી, શત્રુઓને પરાજય કરનાર, સુપ્રસિદ્ધ, અરિદમન નામે નરપતિ વસે છે. તેને બાલ્યવયથી જ સહચારી ઋદ્ધિવંત સકલ જનસમુદાયના નયન સમાન નંદ નામે મિત્ર હતો તેની સુંદરી નામની ભર્યા છે. તેનો સ્કંદ નામે પુત્ર છે. તે સ્વભાવથી વિનીત કલાકુશલ છે. તેને ધર્મમાં આસક્ત, શીલવતી નામની પત્ની છે. હંમેશા ઉચિત કાર્યોને કરનારા, પરસ્પર સ્નેહભાવથી વર્તતા તેઓ સુખપૂર્વક દિવસો પસાર કરી રહ્યા છે.
